मुंबई : सुसाट विधाने करणाऱ्या अभिनेत्री कंगना राणावतच्या अडचणीत अधिक वाढ झाली आहे. आता गीतकार जावेद अख्तर यांनी कंगनाच्या विरोधात अंधेरी महानगर दंडाधिकारी न्यायालयात मानहानीचा फौजदारी दावा दाखल केला आहे. अभिनेता सुशांत सिंह राजपूत आत्महत्या प्रकरणात कंगनाने रिपब्लिक टीव्हीला दिलेल्या एका मुलाखतीमध्ये जावेद यांचा उल्लेख केला होता. यामध्ये तिने अख्तर यांच्या बाबत वादग्रस्त विधाने केली आहेत.

'उमेद'च्या कर्मचाऱ्यांनी घेतली राज ठाकरेंची भेट; सरकारच्या खासगीकरण धोरणास विरोध

या व्हिडिओला यू ट्यूबवर लाखो हिटस मिळाल्या आहेत. या संवेदनशील प्रकरणात माझा संबंध नसताना माझ्यावर धादांत खोटे आणि आधारहिन आरोप कंगनाने केले आहेत. यामुळे माझी अकारण मानहानी झाली असून तीने नाहक मनस्ताप दिला आहे, त्यामुळे तिच्यावर फौजदारी खटला चालवावा, अशी मागणी अख्तर यांनी दाव्यामध्ये केली आहे. भादंवि कलम 499 आणि  500 नुसार बदनामी केल्याचा खटला दाखल करण्याची मागणी केली आहे.

महाराष्ट्रातील चित्रपटगृहे उघडणार तरी कधी? सुत्रांनी दिली महत्वपूर्ण माहिती

कंगनाने बॉलीवूडमध्ये माफिया राज असल्याचा आरोप सोशल मिडियावर आणि रिपब्लिकच्या एका मुलाखतींमध्ये केला आहे. दिग्दर्शक महेश भट आणि अख्तर यांचा यामध्ये उल्लेख केला होता. यूट्यूबवर या व्हिडीओला लाखो हिटस मिळाले आहेत. 

कंगनाच्या विरोधात याआधीही दोन फिर्यादी दाखल झाल्या आहेत. यापैकी एक वांद्रे न्यायालयात तर एक अंधेरी न्यायालयात आहेत. वांद्रे पोलिसांनी यासंबंधी चौकशी सुरू केली आहे.

increase difficulties of kangana ranaut, Javed Akhtar filed a defamation case

----------------------------------------------------

( संपादन - तुषार सोनवणे )