डोंबिवली - ऐन दिवाळीत कांद्याचे भाव कडाडले कांद्याचा बाजार स्थिर ठेवण्यासाठी केंद्र सरकारच्या किंमत स्थिरीकरण योजनेअंतर्गत आता जनतेला सवलतीच्या दरात कांदा उपलब्ध होणार आहे. सवलतीच्या दरात नागरिकांना कांदा उपलब्ध व्हावा यासाठी नाफेडकडून मोबाइल व्हॅनद्वारे एक ते दोन किलोच्या पॅकिंगमध्ये 25 रुपये किलो दराने कांदा दिला जाणार आहे.

ऐन सणासुदीला कांद्याचे दर वाढले असून नागरिकांना याचा फटका बसत आहे. कांद्याचा बाजार स्थिर ठेवण्यासाठी केंद्र सरकारच्या किंमत स्थिरीकरण योजनेअंतर्गत जनतेला सवलतीच्या दरात कांदा मिळावा यासाठी नाफेडकडून मोबाइल व्हॅनद्वारे कांदा विक्री केली जाणार आहे. यामुळे नागरिकांना एक ते दोन किलोच्या पॅकिंगमध्ये 25 रुपये किलो दराने कांदा दिला जाणार आहे.

यासाठी येत्या काळात मुंबई, ठाणे, कल्याण-डोंबिवली, नवी मुंबई व पनवेल आदी 100 ठिकाणी सवलतीच्या दरात कांदा विक्री केंद्र सुरू करण्यात येणार आहेत. दिवाळीत नागरिकांना नाफेडच्या माध्यमातून सवलतीच्या दरातील विकल्या जाणाऱ्या कांद्यामुळे दिलासा मिळत आहे. केंद्र सरकारच्या किंमत स्थिरीकरण योजनेअंतर्गत ग्राहक कल्याण मंत्रालय वेगवेगळ्या ग्राहक कल्याणकारी योजनांच्या माध्यमातून बाजारपेठेत हस्तक्षेप करत असते.

या माध्यमातून नागरिकांना महागाईची झळ बसू नये या उद्देशातून भारत चणाडाळ, भारत आटा व कांदा विक्री केंद्र माध्यमातून नागरिकांना दिलासा दिला जाणार आहे मात्र सरकारच्या या योजनेमुळे व्यापारी वर्गात मोठ्या प्रमाणात नाराजी असून सध्या कल्याण बाजारपेठेत 40 ते 45 रुपयाने कांदा दिला जात असून सरकारच्या या भूमिकेमुळे ग्राहकाला दिलासा तर मिळेल मात्र कॉलिटी मिळणार नाही असे मत विक्रेते मांडत आहेत.

व्यापारी वर्गात नाराजी असून शासनाचे धोरण हे बाजार स्थिर ठेवण्यासारखं आहे. मात्र शासनाच्या व बाहेरील कॉलिटी मध्ये फरक राहणार नाही असे मत कांदा विक्रेते सागर पाटील यांनी व्यक्त केले.