मुंबई : मुंबईच्या महापौर किशोरी पेडणेकर (Kishori Pednekar) यांचा समाज माध्यमांवर (social Media) अपमान करणाऱ्या पोस्ट (Disrespect Post) करणाऱ्यांवर कारवाई करण्यात (Strict Action) यावी याबाबतचं पत्र भाजप महिला नगरसेविकांनी (Letter from bjp) पोलिसांना दिले आहे.

महापौर या मुंबईच्या प्रथम नागरिक आहेत. त्यांचा अपमान म्हणजे मुंबईकरांचा अपमान आहे. अशावेळी वस्तुस्थितीचा विपर्यास करणारे चुकीचा अर्थ काढणारे पोस्ट हे समाज माध्यमांवर व ट्विटर वर काहीजण जाणून बुजून पसरवित आहेत. तसेच प्रत्यक्ष पत्रकार परिषदेत भाजपा नेते आमदार आशिष शेलार हे जे बोलले ते यु ट्युब वर उपलब्ध आहेच. आणि त्याचा अर्थ सुस्पष्ट असतानाही वस्तुस्थितीचा विपर्यास करून वक्तव्याची तोडमोड करून नको ते वक्तव्य महापौरांशी जोडून महापौरांचा अपमान काहीजण जाणून बुजून करीत आहेत.

आशिष शेलार यांनी केलेली टीका ही सत्ताधारी शिवसेनेतील सर्वच पदसिद्ध अध्यक्ष व पदाधिकारी यांच्या बाबत आहे. ती कोणाही एका व्यक्तीबाबत नाही. आणि त्यांनी दुसऱ्याच वाक्यात त्यांना नक्की काय म्हणायचं आहे याबाबत सुस्पष्ट खुलासा केलेला आहेच. परंतु यानंतरही व्हिडीओ मधील विशिष्ट तुकडाच विचारात घेऊन वस्तुस्थितीचा विपर्यास करीत मुंबईच्या महापौरांचा अपमान काहीजण समाज माध्यमांवर करीत आहेत. याबाबत आज भाजप महिला नगरसेवकांनी पोलिसांना पत्र देत कारवाईची मागणी केली आहे.