बोर्डी ः अस्वाली गावातील आदिवासी शेतकरी कुटुंबातील महिला आणि तरुणांनी दारू पार्टी, पैसा देणाऱ्यांना मत देणार नाही, तर काम करा आणि मते मिळवा, असा इशारा देणारा फलक लावला आहे.

 विदेशी बाटलीत गोव्याची दारू, पकड गये ना मामू!

जिल्हा परिषद, पंचायत समिती निवडणुकीच्या पार्श्‍वभूमीवर ग्रामीण भागात दारूच्या पार्ट्या आणि पैशांवर मते मिळवण्याचा अनेक उमेदवारांचा फंडा असतो; मात्र आम्ही जागे झालो आहोत, तुम्ही पण जागे व्हा, बाटली नको, चिकन नको, काम करा, मत मिळवा. दारू, पैसा, पार्टी देणाऱ्याला मत देणार नाही.

अलिबागमधील अमूल्य ठेवा सापडला

आमचा पाडा विकत घेता येणार नाही, असा इशारा देणारा फलकच अस्वाली येथे लावण्यात आला आहे. त्यामुळे निवडून येण्यासाठी साम, दाम, दंड भेदाचा वापर करण्याच्या प्रयत्नात असणाऱ्या उमेदवारांची ग्रामस्थांच्या या भूमिकेमुळे पंचाईत होणार आहे. 

सोमवारी (ता.७) जिल्हा परिषदेच्या निवडणुका होणार असून ३१ डिसेंबरपासून राजकीय पक्षाच्या कार्यकर्त्यांनी या भागात मतदारांना प्रलोभन दाखवण्याचा प्रकार सुरू केल्याने ग्रामीण भागातील जनता जागी झाली आहे, असे चित्र या फलकबाजीवरून स्पष्ट झाले आहे.

ग्रामीण भागातील नवमतदार सुशिक्षित झाला आहे. त्याला समाजाचा, गावाचा विकास हवा आहे. अनेक वर्षांपासून निवडणुका आल्यावर पैशांची व दारूची खैरात वाटून मते मागणारे नेते विकासाची कामे करत नाहीत, असा अनुभव आहे. म्हणून उमेदवाराने दारू पार्टी देण्याचे प्रयत्न करू नये; किंबहुना काम दाखवून मते मिळवावीत.
राजेश पालवा, जमशेद गोरात, आदिवासी कार्यकर्ते, अस्वाली