कल्याण : आसनगावला राहणाऱ्या आणि टिटवाळ्यामध्ये एका खाजगी रुग्णालयामध्ये नर्सचे काम करणाऱ्या 21 वर्षीय नर्सची आसनगाव रेल्वे स्टेशन वर छेड काढल्याचा प्रकार समोर आला आहे. मिळालेल्या माहितीनुसार, पीडित तरुणी टिटवाळ्यातील एका खाजगी रुग्णालयात नाईट शिफ्टसाठी जात होती. यावेळी रेल्वे स्टेशवरच अश्लील वर्तन करून तिच्याशी लगट करण्याचा प्रयत्न एका नराधमाने केल्याचा धक्कादायक प्रकार समोर आला आहे.

आसनगाव रेल्वे स्टेशन फलाट क्रमांक 2 वर हा प्रकार घडला. संबंधीत तरुणी लोकलची वाट पाहत थांबल्यानंतर अश्लील हावभाव करत तरुणीशी लगट करण्याचा प्रयत्न निलेश अरुण गायकवाड या व्यक्तीने केला. भेदरलेल्या तरुणीने पोलिसांशी संपर्क साधला आणि कल्याण लोहमार्ग पोलिसांनी तात्काळ या आरोपीला बेड्या ठोकल्या आहेत.