दिवा : दिवा स्टेशनजवळ सकाळी सहाच्या सुमारास एका माथेफिरू तरुणाने हातातील लोखंडी सळईने 12 रिक्षांची तोडफोड केली. तर तोडफोड थांबवण्यास येणाऱ्या रिक्षा चालकांना देखील लाथा घातल्याचा प्रकार समोर आला आहे.
सकाळी कामाला जाण्याची घाई असते. त्यात कुठून तरी एक माथेफिरू तरुण दिवा पूर्वेतील सरकत्या जिन्याकडील रिक्षा स्टँड जवळ येऊन हातातील लोखंडी सळईने तेथे उभ्या असणाऱ्या रिक्षांच्या काचा फोडू लागला. ही तोडफोड थांबवण्यास येणाऱ्या रिक्षा चालकांना त्याने लाथा घातल्या. प्रसंगी त्याला रिक्षा चालकांनी, नागरिकांनी पकडण्याचा प्रयत्न केला असता त्याने चॉपर काढून सगळ्यांना धमकावत तो पळून गेला. यांनतर सर्व रिक्षा चालकांनी शिवशक्ती रिक्षा युनियन सोबत जाऊन दिवा पोलीस स्टेशनला तक्रार दिली आहे. यावेळी कोणत्याही प्रवाशांना दुखापत झाली नाही.
महेश मुंडे या रिक्षा चालकांने सांगितले की, हा माथेफिरू तरुण मुंब्रा देवी कॉलनीतून येऊन तयार होणाऱ्या पुलाच्या खाली असणाऱ्या लोखंडी सळयांमधील एक सळई घेऊन दिवा स्टेशनजवळ सरकत्या जिन्याच्या जवळ आला. तेव्हा माझी रिक्षा लावून मी प्रवाशांची वाट बघत होता. तो तसाच रागात येऊन त्याने माझी व बाकीच्यांही रिक्षा तोडल्या. त्याने चॉपर काढल्याने पकडता आले नाही. तर त्याच्या विरोधात आम्ही सर्व रिक्षा चालकांनी पोलीसात तक्रार दिली आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.