मुंबई - राज्याचे नगरविकास मंत्री एकनाथ शिंदे यांच्याबाबत आक्षेपार्ह पोस्ट केल्याप्रकरणी ठाण्यात मराठी कलाकाराला अटक करण्यात आली आहे. ठाण्यातील श्रीनगर पोलिसांनी मयुरेश कोटकर याला ताब्यात घेतलं आहे. मयुरेशला न्यायालयीन कोठडी सुनावण्यात आली आहे. शिवसेना कार्यकर्त्यांनी याबाबत पोलिसात तक्रार केली होती. त्यानंतर मयुरेशला पोलिसांनी अटक केल्याचे वृत्त एएनआयने दिले आहे.

नवी मुंबईच्या विमानतळाला दि बा पाटील यांचे नाव देण्याची मागणी सध्या होत आहे. मयुरेशनेसुद्धा हीच मागणी सोशल मीडियाच्या माध्यमातून केली आहे. त्याने फेसबुकवर याबाबत अनेक पोस्टस केल्या आहेत. यातच एका आक्षेपार्ह पोस्टवरून त्याला अटक करण्यात आल्याचं म्हटलं जात आहे. मयुरेशला पोलिसांनी अटक केल्यानंतर न्यायालयात हजर करण्यात आले. त्याला न्यायालयीन कोठडी सुनावण्यात आली आहे.