मुंबई: आज मराठी भाषा दिवस. या निमित्तानं महाराष्ट्र नवनिर्माण सेनेनं दादर येथील शिवाजी पार्कमध्ये स्वाक्षरी कार्यक्रमाचं आयोजन करण्यात आलं. या कार्यक्रमाला मनसे अध्यक्ष राज ठाकरे यांनीही उपस्थिती लावली. या कार्यक्रमाला राज्य सरकारनं परवानगी नाकारली. मात्र तरीही राज ठाकरेंच्या उपस्थित हा कार्यक्रम पार पडला. या कार्यक्रमानंतर राज ठाकरेंनी माध्यमांशी संवाद साधला. तेव्हा त्यांनी राज्य सरकारवर संताप व्यक्त केला. दरम्यान या कार्यक्रमाला प्रचंड गर्दी असूनही राज ठाकरेंनी तोंडाला मास्क लावला नव्हता. 

माध्यमांशी संवाद साधताना राज ठाकरे यांना पत्रकारांनी तुम्ही मास्क का लावला नाही, असा प्रश्न विचारला. त्यावर राज ठाकरेंनीही बेधडक उत्तर दिलं. मी मास्क लावतंच नाही, तुम्हाला सांगतो, असं ते म्हणाले.

मुंबई विभागातल्या ताज्या बातम्या वाचण्यासाठी येथे क्लिक करा.

सकाळी 10 वाजून 40 मिनिटांनी राज ठाकरे यांनी सहकुटुंब कार्यक्रमाला उपस्थिती लावली. यावेळी त्यांच्या पत्नी शर्मिला ठाकरे, मुलगा अमित ठाकरे यांनी मास्क लावलेला होता. मात्र राज ठाकरे यांनी मास्क लावलेला नव्हता.

हेही वाचा- 'सरकारमधले मंत्री धुडगूस घालू शकतात, शिवजयंती आणि मराठी भाषा दिवसाला नकार देतात'

राज ठाकरे सरकारवर कडाडले 

मंत्री गर्दी करून धुडगूस घालतायेत आणि शिवजयंती, मराठी भाषा दिनाला सरकार नकार देते. कोरोनाचं संकट येतं आहे असं वाटत असेल, तर निवडणुकाही पुढे ढकलाव्यात, अशा शब्दात राज ठाकरे यांनी आपली प्रतिक्रिया दिली आहे.

Marathi Bhasha Din Mns Raj thackeray Sign Programme Without mask dadar Shivaji park