दिवाळीचा सण देशभरात सर्वत्र मोठ्या उत्साहात साजरा केला जात आहे. दिवाळी निमीत्त अनेक ठिकाणी वेगवेगळ्या कार्यक्रमाचे आयोजन केले जाते. महाराष्ट्रात अनेक ठिकाणी दिवाळी पाहट निमीत्त संगीताचे कार्यक्रम देखील आयोजित केले जातात. असाचा एक कार्यक्रम एकनाथ शिंदे यांचा बालेकिल्ला असलेल्या ठाण्यात देखील आयोजित करण्यात आला होता. या कर्यक्रमावरून राष्ट्रावादीच्या शरद पवार गटाचे नेते आमदार जितेंद्र आव्हाड यांनी खोचक पोस्ट केली आहे.

जितेंद्र आव्हाडांनी सोशल मीडिया प्लॅटफॉर्म एक्सवर पोस्ट केली आहे. ज्यामध्ये त्यांनी शिंदे गटाच्या नेत्याने ठाण्याते आयोजित केलेल्या दिवाळी पाहाट कार्यक्रमाबाबत वक्तव्य केलं आहे. "महाराष्ट्राच्या इतिहासात पहिल्यांदा दिवाळी पहाट लावणी नी साजरी केली गेली. संस्कृती बद्दलली ठाणे स्मार्ट नाही ओवर स्मार्ट झाले" असे आव्हाड म्हणाले आहेत.

कार्यक्रम काय होता?

ठाण्याच्या माजी महापौर आणि शिंदे गटाच्या ठाणे जिल्ह्याच्या महिला संघटिका मीनाक्षी शिंदे यांनी ठाण्यात दिवाळी पहाटचं आयोजन केलं होतं. ठाण्यातील तलाव पाली येथील दिवाळी पहाटच्या कार्यक्रमात गौतमी पाटीचा शो ठेवण्यात आला होता. सोबतच ठाण्याच्या तरुणांनी एकत्रित येऊन तयार केलेल्या फिल्मीज म्युसिकल बँडची मेजवानी देखील ठाणेकरांसाठी ठेवण्यात आली होती.