मुंबई - मुंबई महानगराच्या वृक्षसंपदेने ३३ लाखांचा आकडा ओलांडला आहे. ही ३३ लाख झाडे महानगरपालिकेच्या प्रशासकीय विभागांच्या क्षेत्रातील सरकारी, खासगी, औद्योग‍िक जम‍िनींवर तसेच महानगरातील व‍िव‍िध उद्यानांमध्ये आण‍ि रस्तांभोवती बहरलेली आहेत.

पाल‍िकेच्या उद्यान व‍िभागाने येत्या वर्षभरात मुंबईमध्ये नवीन २५ हजार झाडे लावण्याचा विशेष संकल्प केला आहे. वर्षभरात नागरी वन उपक्रमात आणखी ५० हजार झाडे लावली जाणार आहेत. मुंबईत वृक्षसंपदा जतन आणि संवर्धन करण्यासाठी पालिकेकडून सतत नवनवीन उपक्रम हाती घेतले जातात.

पालिकेचा बहूमान

मुंबई महानगरातील वृक्षसंपदा जतन व संवर्धन करण्यासाठी पालिकेकडून होत असलेल्या प्रयत्नांची दखल अलीकडे जागतिक स्तरावरदेखील घेण्यात आली आहे. अन्न आणि कृषी संघटना आणि आर्बर डे फाउंडेशनकडून “जागतिक वृक्ष नगरी " हा अत‍िशय प्रत‍िष्ठेचा पुरस्कार सन २०२१ आण‍ि २०२२ अशी सलग दोन वर्ष मुंबई महानगराला म‍िळाला आहे.

रस्ते आणि उद्याने बहरली

मुंबईतील रस्ते, उद्याने आणि सरकारी आणि खाजगी आणि औद्यागिक जमिनीवर २४ प्रशासकीय विभागांच्या क्षेत्रातील वृक्ष बहरले आहेत.

वर्षभरात 25 हजारांचे टार्गेट

उद्यान व‍िभागाकडून सर्व २४ विभागांमध्ये प्रात‍िन‍िधीक स्वरुपात २०० झाडे लावण्यात आली आहेत. येत्या वर्षभरात मुंबईमध्ये पारंपर‍िक पद्धतीने २५ हजार झाडे लावण्याचा पालिकेचा मानस आहे.

चार लाख झाडे लावली

पालिकेच्या उद्यान व‍िभागाने आतापर्यंत म‍ियावाकी पद्धतीने चार लाखापेक्षा अधिक झाडे लावली आहेत.

उद्यानांमध्ये दाटली ह‍िरवळ

सध्या मुंबईकरांच्या सेवेत तब्बल १,०६८ उद्याने आहेत. याठ‍िकाणी बहरलेली वृक्षसंपदा, तेथील ह‍िरवळ, पक्ष्यांचा क‍िलब‍िलाट मुंबईकरांना आनंद देवून जातो. उद्याने, मनोरंजन मैदाने, क्रीडांगणे, पार्क आण‍ि इतर मोकळ्या जागा विकसित आहेत. त्यात हिरवळ दाटली आहे.

जितेंद्र परदेशी, उद्यान अधीक्षक नागरी वने (मियावाकी) पद्धतीने वर्षभरात ५० हजार झाडे लावण्यात येणार आहेत. प्रामुख्याने सोनचाफा, सीता अशोक, तामण, बकुळ, कांचन, बहावा, जांभूळ, नारळ, कडूनिंब, आंबा, पेरू, करंज, वड, पिंपळ यासारख्या स्थानिक प्रजातींच्या झाडांची लागवड केली जाणार आहे. मुंबईतील कार्बन उत्सर्जन कमी करण्यासाठी मुंबईकरांनी प्रयत्न केले पाहिजेत

- जितेंद्र परदेशी, उद्याने अधिक्षक, मुंबई महानगरपालिका