डोंबिवली - दारूच्या गुत्त्यावर चुगली करतो, याचा राग मनात ठेवून दोघांनी आपल्याच मित्राचा खून केल्याची घटना सोनारपाडा येथे उघडकीस आली आहे. मानपाडा पोलिसांनी अवघ्या दोन तासांत या खुनाचा उलगडा करत दारूच्या नशेत झिंग असलेल्या आरोपींना दारूच्या गुत्यावरून अटक केली आहे. दादू मदू जाधव-पाटील आणि विनोद राजाराम पडवळ अशी अटक केलेल्या आरोपींची नावे आहेत. तसेच राजेश रामवृक्ष असे मृताचे नाव आहे.

शुक्रवारी (ता. २६) सकाळी सोनारपाडा येथील साईश्रद्धा बिल्डिंगच्या मागे कचऱ्यात एका व्यक्तीचा मृतदेह असल्याची माहिती मानपाडा पोलिसांना मिळाली. मानपाडा पोलिस ठाण्याचे वरिष्ठ पोलिस निरीक्षक शेखर बागडे यांनी तीन पथके तयार कुरून तपास करण्याच्या सूचना दिल्या.

दादू आणि विनोद यांनी गुरुवारी रात्री दादू याच्या खोलीवर नेले. तेथे मारहाण केली. त्यानंतर त्याला खिडकीमधून खाली फेकून दिले. रूममध्ये असलेले रक्ताचे डाग कपडाने पुसून पुरावा नष्ट करण्याचा प्रयत्न केल्याची कबुली त्यांनी दिली.