मुंबई: कोरोना संसर्ग नियंत्रणात आल्याने चाचण्यांचे प्रमाण ही कमी झाल्याचे दिसते. जलद निकालासाठी करण्यात येणाऱ्या अँटिजेन चाचण्यांचे प्रमाण कमी झाले आहे. डिसेंबर महिन्यात सर्वाधिक कमी चाचण्यांची नोंद झाली आहे.
मुंबईत डिसेंबर महिन्यात एकूण 4.48 लाख कोरोना चाचण्या करण्यात आल्या. त्यातील अँटीजेन चाचण्यांचे प्रमाण 2.21 इतके आहे. नोव्हेंबर महिन्यात 3.71 लाख कोरोना चाचण्या करण्यात आल्या आहेत. त्यात 1.68 लाख अँटिजेन चाचण्यांचा समावेश होता. तर सप्टेंबर महिन्यात 3.51 लाख कोरोना चाचण्यांपैकी 1.09 अँटिजेन चाचण्या होत्या.
अनलॉक शिथिल करण्या सोबत बाधित रुग्णांचे प्रमाण ही वाढू लागले. त्यामुळे पालिकेने झटपट चाचण्यांसाठी अँटीजेन चाचण्यांवर भर दिला. अँटिजेन चाचण्यांचे प्रमाण वाढल्याने आरटी-पीसीआर चाचण्यांचे प्रमाण मागील काही महिन्यांत कमी झाल्याचं समोर आलं आहे.
मुंबईत दैनंदिन 15 ते 19 हजार कोरोना चाचण्या केल्या जात आहेत. महापालिका प्रशासनाच्या वतीनं दर दिवशी साधारणता 15 हजार आरटीपीसीआर कोरोना चाचण्या केल्या जात आहेत. मात्र आरटी-पीसीआर चाचण्यांच्या तुलनेत अँटीजेन चाचण्यांचे प्रमाण कमी असल्याचे पालिका अधिकाऱ्यांचे म्हणणे आहे.
आरटीपीसीआर चाचण्यांमध्ये 100 व्यक्तींमागे पॉझिटिव्हिटी दर 10 ते 12 टक्के आहे. हे प्रमाण अँटिजेन चाचण्यांमध्ये 3 ते 4 टक्के इतके आहे.
प्रवासी, फेरीवाले, दुकानदार यांसह अत्यावश्यक ठिकाणी अँटिजेन चाचण्यांवर अधिक भर दिला जातो. या चाचण्यांचे निकाल 10 मिनिटात येत असल्याने या चाचण्यांवर भर दिला जातो. इतर ठिकाणी आरटी-पीसीआर चाचण्यांवर भर दिला जातो. आरटी-पीसीआर चाचण्यांची अचूकता अधिक असल्याने या चाचण्यांवर अधिक भर देण्यात येत असून या चाचण्यांचे निकाल ही लवकर देण्याचा प्रयत्न करण्यात येत आहे.
सप्टेंबर महिन्यात 69 %
ऑक्टोबर महिन्यात 60 %
नोव्हेंबर महिन्यात 55 %
डिसेंबर महिन्यात 50 %
एकूण चाचण्या - 24 लाख 4 हजार 1
एकूण बाधित - 2 लाख 95 हजार 240
एकूण बरे झाले - 2 लाख 75 हजार 464
एकूण सक्रिय रुग्ण - 7 हजार 771
एकूण पॉझिटिव्ह दर -12.28
मुंबईत 15 ते 19 हजार कोरोना चाचण्या केल्या जात आहेत. त्यात आरटी-पीसीआर चाचण्यांचे प्रमाण अधिक असून 15 हजार आरटीपीसीआर चाचण्या केल्या जात आहेत. त्यात आरटी-पीसीआर चाचण्यांच्या तुलनेत अँटीजेन चाचण्यांचे प्रमाण कमी आहे.
सुरेश काकाणी, अतिरिक्त आयुक्त
---------------------------------
(संपादन-पूजा विचारे)
Mumbai Decrease number antigen tests lowest recorded December
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.