Mumbai Local Train Ubdate : सकाळी ऐन गर्दीच्यावेळी मध्य रेल्वेची वाहतूक विस्कळीत झाली आहे. तांत्रिक अडचण निर्माण झाल्यामुळे ही वाहतूक विस्कळीत झाली आहे. यामुळे सर्वसामान्य मुंबईकरांचे चांगलेच हाल होताना पाहायला मिळत आहेत.

अधिक माहिती अशी की, जलद मार्गावरील भांडुप आणि नाहूर स्थानकादरम्यान तांत्रिक अडचण निर्माण झाली आहे. यामुळे मध्य रेल्वेची वाहतूक पंधरा ते वीस मिनिटे उशिराने सुरू आहे. पर्यायी जलद लोकल या भांडुप स्थानकावर थांबून आहेत.

मागील 25 मिनिटांपासून तांत्रिक अडचण निर्माण झाल्यामुळे लोकल थांबून आहेत. पर्यायी मध्य रेल्वेची वाहतूक पंधरा ते वीस मिनिटं उशिराने सुरू असून सी.एस.एम.टीकडे जाणाऱ्या जलद लोकल उशिराने धावत आहेत. सर्वसासामन्य मुंबईकरांचे यामुळे हाल होताना पाहायला मिळत आहेत.