मुंबई : गेल्या काही दिवस एसी लोकलमधील वातानुकुलित यंत्रणा वांरवार बंद पडत असल्याने प्रवासी हैराण झाले.आता तर चक्क प्रवाशांच्या गर्दीमुळे एसी लोकलच्या खोळंबा होत असल्याची माहिती समोर येत आहे. सोमवारी कल्याण स्थानकांवर एसी लोकल हाऊसफुल्ल झाल्यामुळे प्रवासी दरवाजात अटकून प्रवास करण्याचा प्रयत्न केला. त्यामुळे एसी लोकलचे दरवाजे बंद होण्यास विलंब झाल्याने लोकलचे वेळापत्रक विस्कळीत झाले होते.

मुंबईत दमट हवामान त्यातच यंदा तापमानाचा पारा वाढल्याने मोठ्या प्रमाणात रेल्वे प्रवासी वातानुकूलित लोकलकडे धावत घेतली आहे. परंतु, मध्य आणि पश्चिम रेल्वे मार्गावर धावणाऱ्या एसी लोकलमध्ये प्रवाशांची प्रचंड गर्दी वाढली आहे.

सोमवारी सकाळी ९ च्या सुमारास कल्याण स्थानकात प्रवाशांची प्रचंड गर्दी होती. यावेळी स्थानकात सीएसएमटी जाणारी एसी लोकल आल्याने स्थानकातील प्रवासी या लोकलमध्ये चढण्यास सुरुवात केली. त्यामुळे काही क्षणात ही लोकल हाऊस फुल्ल झाली. अनेक प्रवासी दरवाज्याजवळ लटकून जाण्याचा प्रयत्न करत होते.

परिणामी एसी लोकलचे दरवाजे बंद होण्यास अडचण निर्माण झाली. बराच वेळ इथे लोकल थांबवण्यात आली होती. त्यामुळे इतर लोकलची सेवा १० ते १५ मिनिटे उशिराने सुरू होती. यांसदर्भातील फोटो समाजमाध्यमांवर व्हायरल झाले होते. याबाबद रेल्वेकडे विचारणा केली असताना यांसदर्भात अद्याप कोणतीही माहिती उपलब्ध नसल्याचे सांगण्यात आले.