मुंबई - मुंबईला झोडपून काढणारा पाऊस आज काही ठिकाणी सरी सरींनी कोसळला. सखल भागात पाणी भरले नाही. पावसाची रिपरिप सुरूच आहे. आज दुपारनंतर पावसाने काहीशी विश्रांती घेतली. 1 ऑगस्टपासून पुढील चार दिवस पावसाचा ग्रीन अॅलर्ट म्हणजे पावसाचा जोर कमी होणार असल्याचा अंदाज हवामान विभागाने जाहिर केला आहे.

मुंबईत गेले आठवडाभर दमदार पाऊस कोसळला. आकाशात ढग दाटून पावसाळी वातावरण कायम ठेवत जोरदार कोसळणा-या पावसामुळे मुंबईकरांना गेल्या काही दिवसांपासून सूर्य दर्शन झालेले नाही. सखल भागात पाणी साचल्याने वाहतुकीला फटका बसला. त्यामुळे मुंबईकरांना गैरसोयींना सामोरे जावे लागले.

आज सकाळी पावसाने रिपरिप कायम ठेवत दुपारनंतर मात्र अधून मधून काहीशी उघडीप केली. मात्र काही भागात पावसाच्या पावसाच्या जोरदार सरी कोसळल्या. आज रस्ते वाहतूक आणि रेल्वे सेवा सुरळीत होती. दरम्यान पुढील चार दिवस मुंबईत पावसाचा जोर कमी होण्याची शक्यता हवामान विभागाने व्यक्त केला आहे.