मुंबई : मालाड मालवणी परिसरात अवैधरीत्या राहणाऱ्या बांगलादेशी - रोहिंग्या घुसखोरांची माहिती मिळवण्यासाठी पी नॉर्थ वॉर्ड भेटीत समिती नेमण्याचे आदेश पी नॉर्थ वॉर्डच्या भेटीत पालमंत्री मंगल प्रभात लोढा यांनी दिले. तसेच हा अहवाल ९० दिवसात सादर करण्याच्याही सूचना त्यांनी दिल्या आहेत. मुंबईतील भूमिपुत्रांचा हक्क अबाधित ठेवण्यासाठी हे महत्वाचे पाऊल ठरणार आहे असे मत लोढा यांनी मांडले आहे.

या समितीमध्ये महापालिका उपायुक्त, निवासी उपजिल्हाधिकारी, सहाय्यक पोलीस उपायुक्त, रेशनिंग अधिकारी यांचा समावेश करण्यात आला आहे. पालकमंत्री आपल्या भेटीला या मोहिमेअंतर्गत आज मंगलप्रभात लोढा यांनी पी नॉर्थ विभागात भेट दिली. यावेळी मालाड मालवणीतील बांग्लादेशी रहिवाशांचा मुद्दाही या बैठकीच्या निमित्ताने चर्चेला आला.