मुंबई- अनेक लहान मुलांसह ७८ प्रवाशांना श्वास घेण्यास त्रास झाल्याने मुंबई ते मॉरेशियस फ्लाईट रद्द करण्यात आली आहे. फ्लाईट ४:३० वाजता उड्डाण करणार होती. पण, विमानाच्या इंजिनमध्ये बिघाड झाला. त्यामुळे प्रवाशांना पाच तास फ्लाईटमध्येच बसवून ठेवण्यात आले. त्यामुळे प्रवाशांना अस्वस्थ वाटू लागले. (Mumbai to Mauritius flight MK749 of Air Mauritius developed breathing problems as ACs onboard the flight were not working)

एएनआयने दिलेल्या माहितीनुसार, ठरलेल्या वेळेनुसार प्रवाशी विमानात बसले होते. पण, विमानाच्या इंजिनात बिघाड झाल्याने त्यांना विमानात तसेच बसवून ठेवण्यात आले. पाच तास विमानातील एसी बंद होता. त्यामुळे सर्व प्रवाशांना अस्वस्थ वाटू लागले. प्रवाशांना विमानाच्या बाहेर येऊ दिले नाही असं सांगितलं जातं. त्यानंतर फ्लाईट रद्द करण्यात आली. प्रवाशांनी नंतर व्यवस्था करण्यात आलीये.