वज्रेश्वरी : भिवंडी तालुक्यातील अंबाडी ग्रामपंचायत हद्दीतील उंबरपाडा येथे सायंकाळी झालेल्या जोरदार वादळी पावसामुळे वीज पडून एक जण जागीच ठार झाला, तर तीन जण गंभीर जखमी झाल्याची घटना घडली आहे.
कित्येक दिवस गायब झालेल्या पावसाने शनिवारी सायंकाळी जोरदार वादळी वाऱ्यासह विजेच्या कडकडाटात सुरुवात केली. अंबाडी जवळील उंबरपाडा येथे मंगल्या वाघे (वय 58),त्यांची पत्नी अलका वाघे (वय 50),त्यांची मुलगी प्रमिला वाघे (वय 20) आणि नातू विजय (वय 4) राहतात.
मजुरकाम करणारे येथील नदीकिनारी शेतीच्या कामासाठी गेले होते. काम संपवून घरी येण्यासाठी निघाले असता जोरदार वीज त्यांच्या अंगावर पडली. अलका वाघे हिचा जागीच मृत्यू झाला तर, मंगल्या वाघे त्याची पत्नी अलका वाघे आणि चार वर्षाचा नातू हे गंभीर जखमी झाले. त्यांना तात्काळ अंबाडी येथील खाजगी रुग्णालयात दाखल करण्यात आले. या घटनेची माहिती मिळताच येथील तलाठी तुगावे यांनी घटनास्थळी भेट देऊन पंचनामा केला. या घटनेमुळे परिसरात हळहळ व्यक्त होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.