वाडा : पालघर (Palghar) जिल्हा वारली (warli) चित्रकलेसाठी प्रसिद्ध आहे. या जिल्ह्यातील दिवंगत पद्मश्री जिव्या सोमा म्हसे (Jivya Soma Mhase) यांनी वारली पेंटिंग (Painting) या कलेचा प्रसार भारता (India) बाहेर करून या कलेला जगात प्रसिध्दी (Popular) मिळवून दिली. त्यांची ही कला (Art) त्यांच्या पश्चात आज अनेक शिष्यांच्या माध्यमातून पालघर (Palghar) जिल्ह्यात जोपासली जात आहे.याची दखल घेऊन शासकीय (goverment) पातळीवर अनुदान उपलब्ध करून जिल्ह्यात (District) क्लस्टर निर्माण केल्यास अनेक कारागिरांना (Employees) मोठ्या प्रमाणावर रोजगार उपलब्ध होईल.

वारली पेंटिंगने आज जागतिक पातळीवर विविध वस्तूंच्या माध्यमातून प्रसिद्धी मिळवली आहे. राष्ट्रपती भवना पासून सामान्य माणसाच्या घरातही वारली पेंटिंग दिसत आहे. केवळ चित्रातच नाही तर अनेक वस्तू वारली पेंटिंगने सजलेल्या दिसतात. कपडे, पिशव्या, फुलदाणी, लाकडी वस्तू व मातीच्या भांड्यावर वारली पेंटिंग काढलेली दिसते. घरांची सजावट करण्यात येते. अशा या सर्वानाच भुरळ घालणाऱ्या कलेचे अनेक कारागिर पालघर जिल्ह्यातील खेड्यापाड्यात आहेत. त्यांच्या कलेला वाव मिळावा, रोजगार उपलब्ध व्हावा व वस्तू, चित्रे मोठ्या प्रमाणावर उत्पादीत होऊन घाऊक विक्री व्हावी म्हणून केंद्रीय ऊद्योग मंत्री नारायण राणे यांची दिल्लीत भेट घेऊन निवेदन देण्यात आले.

या निवेदनातून पालघर जिल्ह्यातील जव्हार किंवा विक्रमगड येथे वारली पेंटिंग कलाकारांसाठी क्लस्टर निर्माण करून देण्यात यावे. या साठी निधीची तरतूद करण्यात यावी. अशी मागणी स्वाभिमान संघटनेचे जिल्हाध्यक्ष जितेश उर्फ बन्टी पाटील यांनी केली आहे.