पंतप्रधान नरेंद्र मोदी आज मुंबईच्या दौऱ्यावर आहेत. या दौऱ्यात मुंबईतील ३८,००० हजार कोटी रुपयांच्या विकासकामांचं उद्घाटनं आणि लोकार्पण त्यांच्या हस्ते झालं. त्याचबरोबर मेट्रो 2A आणि मेट्रो 7 या लाईन्सचं त्यांनी लोकार्पण केलं. यावेळी विविध राजकीय मुद्द्यांवरही त्यांनी भाष्य केलं.

मोदी म्हणाले, यापूर्वी आपण फक्त गरीबीवर चर्चा करायचो, जगाकडं मदत मागायचो आणि कसं तरी आपलं भागवत होतो. पण आता स्वातंत्र्यानंतर पहिल्यांदच भारतान मोठं स्वप्न पाहणं सुरु केलं असून ते पूर्ण करण्याची ताकदही आपण तयार केली आहे.

स्वातंत्र्यानंतर पहिल्यांदाच जगातील भारताच्या मोठ्या संकल्पांवर भरवसा आहे. त्यामुळं स्वातंत्र्याच्या अमृतकाळात विकसित भारताच्या निर्मितीत जेवढी उत्सुकता भारतीयांना आहे तितकाच आशावाद जगालाही दिसत आहे. आता मुख्यमंत्र्यांनी दावोसचा उल्लेक केला हे जगभरात दिसत आहे. भारत आपल्या सामर्थ्याचा मोठ्या उत्तर प्रकारे सदुपयोग करत आहे.

छत्रपती शिवाजी महाराज यांच्या प्रेरणेनं स्वराज्य आणि सुराज्याची भावना आजच्या भारतात डबल इंजिन सरकारमध्ये प्रबळ रुपानं प्रकट होते. आपण हा काळही बघितला की, गरीबांचा पैसा, करदात्यांच्या पैशाबाबत आपण संवेदनशील नव्हतो, अशा शब्दांत मोदींनी यापूर्वीच्या सरकारांवर टीका केली.