मुंबईचे माजी पोलीस आयुक्त परमबीर सिंग यांना न्यायालयाने मोठा दणका दिला आहे. 100 कोटींच्या वसुली प्रकरणात आरोप केल्यानंतर ते गायब होते. मुंबई गुन्हे शाखेने त्यांच्याविरोधात अजामीनपात्र वॉरन्ट काढलं होतं. मात्र, परमबीरसिंग यांना सतत समन्स बजावूनही ते हजर राहत नव्हते. तसेच त्यांच्या कोणत्याही पत्त्यावर ते उपलब्ध नसल्याने सिंग यांना फरार घोषित करावं अशी मागणी क्राइम ब्राँचने केली होती. त्यावरील निर्णय कोर्टाने राखून ठेवला होता. अखेर किल्ला कोर्टानं मोठा निर्णय़ देत सिंग यांना फरार घोषित केलं आहे.
संपत्ती जप्त होणार?
परमबीर सिंग यांना फरार घोषित केल्यानंतर त्यांच्या संपत्तीवर टाच येण्याची शक्यता वाढली आहे. सिंग यांना वारंवार समन्स पाठवूनही त्यांच्याकडून कोणताही रिप्लाय न आल्याने न्यायालयाने हा निर्णय घेतला. मात्र, आरोपीला फरार घोषित केल्यानंतर त्याची संपत्ती जप्त करण्याचा पर्याय न्यायालयासमोर असतो. सिंग हे 30 दिवसांत हजर होऊन बाजू मांडण्याची शक्यता आहे. असं न झाल्यास सिंग यांची संपत्ती जप्त होऊ शकते. यामुळे त्यांच्या अडचणीत वाढ होण्याची शक्यता नाकारता येत नाही.
काय आहे प्रकरण?
परमबीर सिंग यांची उचलबांगडी झाल्यानंतर त्यांनी वाझे प्रकरणात माजी गृहमंत्री अनिल देशमुखांवर आरोप केले होते. यामध्ये देशमुखांना राजीनामा द्यावा लागला. तर, परमबीर सिंग सध्या गायब आहेत. ते कोर्टातही हजर नव्हते. काही दिवसांपूर्वी त्यांना समन्स बजावण्यात आलं. मात्र काहीही प्रत्युत्तर न आल्याने त्यांच्याविरोधात वॉरन्ट जारी करण्यात आलं आहे.
मुंबई गुन्हे शाखेच्या वतीने मुख्य न्यायदंडाधिकारी कोर्टात अर्ज दाखल करण्यात आला होता. न्यायाधीश भाजीपाले यांच्यासमोर सुनावणी पार पडली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.