Thane News : आनंद दिघे हे ठाणे जिल्ह्याचे दैवत होते, आज त्यांच्या नावावर निष्ठावान शिवसैनिकांवर गुन्हे दाखल केले जात असून त्यांच्या घरांवर नांगर फिरविला जात आहे. त्यांना त्रास देण्याचे काम केले जात आहे.

त्यामुळे स्वत:ला सच्चे शिवसैनिक म्हणवून घेणाऱ्यांना आता जनताच धडा शिकविले अशी टिका उद्धव बाळासाहेब ठाकरे गटाचे खासदार राजन विचारे यांनी केली. स्वर्गीय आनंद दिघे यांच्या जयंती निमित्त समाधिस्थळी जावून अभिवंद केले. त्यावेळी त्यांनी प्रत्र्कारांशी बोलतांना हि टीका केली.

शिवसेना (उद्धव बाळासाहेब ठाकरे) ठाणे जिल्हा शाखेच्यावतीने ठाण्यातील निष्ठावंत शिवसैनिकांनी शनिवारी स्वर्गीय आनंद दिघे यांच्या समाधिस अभिवादन केले. तसेच टेंभी नाका येथील दिघे यांच्या पुतळ्यास पुष्पहार अर्पण करून अमर रहे अमर रहे, दिघे साहेब अमर रहे या अशा घोषणाही त्यांनी दिल्या.

यावेळी ठाकरे गटाने टेंभी नाका आणि शक्तीस्थळावर जोरदार शक्ती प्रदर्शन करण्याचाही प्रयत्न केला. यावेळी शिवसेना उपनेत्या ज्योती ठाकरे, ठाणे लोकसभा संपर्क प्रमुख मधुकर देशमुख, विधानसभा संपर्क प्रमुख नरेश मणेरा, ठाणे जिल्हा प्रमुख केदार दिघे, आदींसह इतर पदाधिकारी देखील उपस्थित होते.

दरम्यान, पत्रकारांशी बोलतांना स्वर्गीय बाळासाहेब ठाकरे आणि आनंद दिघे यांचे खरे शिवसैनिक कोण हे आता आगामी काळातच स्पष्ट होणार आहे. आगामी काळात दिघे हेच या गद्दारांना जागा दाखवतील अशी टिका शिवसेना उध्दव बाळासाहेब ठाकरे गटाचे खासदार राजन विचारे यांनी केली.