मुंबई : कस्तुरबा रुग्णालयातील कोरोनाग्रस्तांची सेवा करण्यासाठी आम्ही स्वतःला झोकून दिले. त्यातूनच मला ही कोरोना ची बाधा झाली. माझा संसर्ग माझ्या कुटुंबाला होऊ नये त्यासाठी मी त्यांना गावी जाऊन राहण्यास सांगितले. मात्र काहींनी कोरोनामुळे माझे कुटुंबीय पळून गेल्याची आवई उठवली, त्याचे वाईट वाटले अशी भावना कोरोनामुक्त झालेल्या कस्तुरबातील आयाबाईने व्यक्त केल्या.
कस्तुरबा रुग्णालयातील एक आयाबाई आणि महिला सफाई कामगाराला रूग्णालयातच कोरोनाची बाधा झाली. त्यांच्यावर रूग्णालयातच यशस्वी उपचार झाल्यानंतर त्या दोघी ही कोरोनामुक्त झाल्या. त्यानंतर त्यांना घरी सोडण्यात आले. त्या आपल्या टिटवाळा येथील राहत्या घरी पोहोचल्या असता तिथल्या रहिवाशीयांनी त्यांचे टाळ्या वाजवून आणि त्यांच्या फुले उधळून त्यांचे स्वागत केले.
मोठी बातमी - "समुद्रातील मासे खाऊ नका, कारण कोरोनाचे मृतदेह फेकले जातायत समुद्रात !" काय आहे सत्य असत्य...
कस्तुरबा रुग्णालयात कोरोनाग्रस्तांवर उपचार सुरू झाल्यानंतर आम्ही त्यांच्या सेवेसाठी जुंपलो. सेवा करत असताना आम्ही कोरोना बाधित रुग्णांच्या संपर्क येत होतो. अशा परिस्थिती हा संसर्ग घरापर्यंत पोहोचायला नको यासाठी मी घरी न जाता रुग्णालयातच राहण्याचा निर्णय घेतला. पुढील चार दिवसातच मला ही कोरोनाची बाधा झाली. माझ्यावर कस्तुरबा रूग्णालयामध्येच उपचार सुरू झाले. माझ्या मुलाच्या काळजीपोटी मी त्याला व माझ्या पतीला गावी जाऊन राहण्यास सांगितले. त्यानुसार ते दोघे गावाला निघून गेले. मात्र त्यानंतर मला कोरोना संसर्ग झाल्याने माझे कुटुंबीय पळून गेल्याच्या बातम्या आल्या. त्यानंतर लोकांमध्ये ही चर्चा सुरू झाली. याचा मला फारच मनस्ताप सहन करावा लागण्याचे कोरोनामुक्त झालेल्या या महिला कर्मचाऱ्याने व्यक्त केल्या. लोकांनी अफवांवर विश्वास ठेवू नये, कुणावर ही बहिष्कार टाकू नये अश्या अपेक्षा ही त्यांनी व्यक्त केल्या.
आम्ही तब्बल 21 दिवस कस्तुरबा रुग्णालयात दाखल होते. आम्ही या आजारातून बरे होणार याचा विश्वास होता. मात्र लोकांनी ही या आजाराला गांभीर्याने घेण्याची गरज आहे. सरकारने घालून दिलेले निर्देश पाळणे महत्वाचे आहे. हा संसर्ग पसरू नये त्यासाठी आपण घरातच राहणे महत्त्वाचे आहे. आपण जर घरात राहिलो तर हा संसर्ग नक्कीच आटोक्यात येईल असा विश्वास ही त्यांनी यावेळी व्यक्त केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.