मुंबई : वैभवशाली इतिहासासोबतच देदीप्यमान परंपरा लाभलेल्या महाराष्ट्राला अधिक समृद्ध करण्यासाठी अनेकांनी आपले आयुष्य खर्ची घातले. त्यांच्या कार्याला पाठबळ देणे, पाठीवर कौतुकाची थाप देणे, हे समाज म्हणून आपले कर्तव्यच.

म्हणूनच ‘सकाळ’ मुंबई आवृत्तीच्या ५२ व्या वर्धापन दिनानिमित्त महाराष्ट्रातील जनतेचे जीवनमान उंचावणाऱ्यांचा ‘सकाळ सन्मान’ पुरस्कार देऊन शनिवारी (ता. २८) गौरव केला जाणार आहे. विविध मान्यवरांच्या उपस्थितीत शनिवारी सायंका ळी ५.३० वाजता प्रभादेवी येथील रवींद्र नाट्य मंदिरात हा सोहळा रंगणार आहे.

मुख्यमंत्री एकनाथ शिंदे, उपमुख्यमंत्री देवेंद्र फडणवीस, विधान परिषद उपसभापती डॉ. नीलम गोऱ्हे, राज्यसभा खासदार प्रफुल्ल पटेल आदी मान्यवरांच्या प्रमुख उपस्थितीत हा सोहळा पार पडणार आहे.