मुंबई - मुंबई महानगरपालिकेच्या अध्यक्षपदाच्या लढतीसाठी शिवसेनेकडून पुन्हा यशवंत जाधव यांना उमेदवारी देण्यात आली आहे. इतर अनेक नगरसेवकांनी या उमेदवारी साठी फिल्डिंग लावली होती. परंतु पक्षाने जाधव यांच्यावरच पुन्हा विश्वास दाखवला आहे. जाधव यांची नियुक्ती झाल्यास ते तिसऱ्यांदा अध्यक्षपदी विराजमान होऊ शकतात. स्थायी समितीच्या उमेदवारी नंतर शिवसेनेने शिक्षण समिती अध्यक्षपदासाठी संध्या जोशी यांना उमेदवारी दिली आहे. जोशी यांनी राष्ट्रवादीतून सेनेत प्रवेश केला होता. त्यामुळे निष्ठावंत शिवसैनिकांमध्ये काहीशी नाराजी असल्याचे बोलले जात आहे.
बीएमसीच्या स्थायी समिती आणि शिक्षण समितीच्या अध्यपदाची निवडणूक येत्या 5 ऑक्टोबर रोजी होणार आहे. यशवंत जाधव आणि संध्या जोशी यांनी बुधवारी उमेदवारी अर्ज दाखल केला आहे. जाधव यांची अध्यक्षपदी नियुक्ती झाल्यास त्यांच्या अध्यक्षपदाची हॅट्रीक होणार आहे. विद्यमान महापौर आणि जाधव यांच्यात खटके उडत असल्याच्या चर्चा दबक्या आवाजात होत असतात. त्यामुळे यावेळी जाधव यांचा पत्ता कापला जाणार अशी शक्यता वर्तवण्यात येत होती. परंतु 28 सप्टेंबर रोजी समितीवरील निवृत्त सदस्यांच्या रिक्त जागी सभागृहनेत्या विशाखा राऊत आणि राजुल पटेल यांना समितीवर कायम ठेवण्यात आले. तर सानप यांच्या जागी माजी महापौर विश्वनाथ महाडेश्वर यांना सदस्य म्हणून नेण्यात आले. त्यामुळे यशवंत जाधव यांनी सुबक खेळी करून आपली उमेदवारी जवळपास निश्चित केली होती. पक्षाच्या वतीने जाधव यांच्या उमेदवारीची अधिकृत घोषणा केल्याने त्यांची उमेदवारी कापली जाण्याच्या शंकांना पुर्णविराम मिळाला.
राज्यात भाजप विरोधी पक्ष असल्यामुळे बीएमसीतही आक्रमक भूमिकेत आहे. शहरातील अनेक महत्वाच्या समस्यांवर भाजप महापालिकेत आक्रमक भूमिका घेते आणि त्यांना उत्तरे देण्यासाठी सेनेकडे जाधव यांच्याव्यतिरिक्त अन्य आक्रमक चेहरा नाही. त्यामुळे जाधव यांची पुन्हा वर्णी लागली आहे.
स्थायी समितीतील संख्याबळ
शिवसेना : 11 अणिक एक शिक्षण समिती अध्यक्ष
भाजप : 10
काँग्रेस : 03
राष्ट्रवादी काँग्रेस : 01
समाजवादी पक्ष : 01
शिक्षण समितीतील संख्याबळ
शिवसेना : 11
भाजप : 09
काँग्रेस : 04
राष्ट्रवादी काँग्रेस : 01
समाजवादी पक्ष : 01
----------------------------------------------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.