मुंबई - सलग दुसऱ्या दिवशी पावसामुळे रेल्वे वाहतुकीला फटका बसला आहे. शुक्रवारी मध्य रेल्वेवरील उंबरमाळी ते कसारा दरम्यान डाऊन दिशेकडे सिग्नल बिघाड झाला. या बिघाडाने मध्य रेल्वेचे संपूर्ण वेळापत्रक कोलमडले. गर्दीच्यावेळी हा बिघाड झाल्याने स्थानकात आणि लोकलमध्ये गर्दी झाली होती. त्यामुळे प्रवाशांचे प्रचंड हाल झाले आहे.
मिळालेल्या माहितीनुसार, शुक्रवारी सकाळी ९.१५ च्यादरम्यान उंबरमाळी ते कसारा दरम्यान डाऊन दिशेकडे सिग्नल बिघाड झाला. त्यामुळे कसारा कडे जाणाऱ्या लोकल गाड्या एका मागे एक खोळंबल्या होत्या. या घटनेमुळे कसारा-सीएसएमटी आणि सीएसएमटी-कसारा दोन्ही दिशेकडील लोकल २० ते २५ मिनिटे उशिराने धावल्या.
या घटनेची माहिती मिळताच, मध्य रेल्वेचे अभियांत्रिकी पथक घटनास्थळी दाखल होऊन हा बिघाड सकाळी १०.१५ वाजच्या सुमारास दुरुस्त करण्यात आलेला आहे. मात्र या घटनेमुळे लोकल सेवा दुपारनंतरही उशिराने धावत आहेत. तसेच दुपारी मुंबई आणि उपनगरात पावसाचा जोर वाढल्याने लोकसेवा विलंबाने धावत होत्या त्यामुळे शुक्रवारी मुंबईकरांना कार्यालयात पोहोचण्यासाठी लेटमार्क बसला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.