मुंबई : कोरोना साथीच्या पाश्वभूमीवर वैद्यकीय क्षेत्रातील पदव्युत्तर एमडी आणि एमएस अभ्यासक्रमाच्या अंतिम वर्षांच्या परीक्षा घेण्याबाबत निर्णय घेण्याची प्रक्रिया सुरु आहे, अशी माहिती राज्य सरकारच्या वतीने मुंबई उच्च न्यायालयात गुरुवारी देण्यात आली.

कोविड19 साथीमुळे आतापर्यंत दोन वेळा या परीक्षा पुढे ढकलण्यात आल्या आहेत. डॉक्टर निशांत गब्बूर यांनी परीक्षा बाबतीत स्पष्टता मिळण्यासाठी न्यायालयात याचिका केली आहे. न्या शाहरुख काथावाला आणि न्या व्हि जी बिश्त यांच्या खंडपीठापुढे याचिकेवर व्हिडीओ कौनफरन्सिंगमध्ये सुनावणी झाली. 

हेही वाचा: INSIDE STORY: धारावीची रुग्णसंख्या कमी होण्यामागे काय आहेत कारणं? वाचा काय सांगतायत ऑन फिल्ड डाॅक्टर..

महाराष्ट्र आरोग्य विज्ञान विद्यापीठाने एमडी आणि एमएस अंतिम वर्षांच्या वेळापत्रकाबाबत तपशील दाखल करावा, अशी मागणी याचिकेत केली आहे. राज्य सरकार यासंदर्भात कार्यवाही करत आहे. तसेच परीक्षांंबाबत सर्व प्रकारे विचार केला जात असून सुरक्षातत्वांंचाही अभ्यास केला जात आहे. कारण अनेक निवासी डॉक्टर आणि परीक्षक सध्या कोविड कर्तव्यावर आहेत आणि त्यांच्याशी निगडित ही बाब आहे, अशी माहिती सरकारी वकील ज्योती चव्हाण यांनी खंडपीठाला दिली. यावर सविस्तर माहिती देण्यासाठी अवधी देण्याची मागणी त्यांनी केली. त्यामुळे न्यायालयाने पुढील सुनावणी ता. 14 रोजी निश्चित केली. 

याचिकादार गब्बूर परळ येथील सेठ जी एस वैद्यकीय महाविद्यालयात एमएस (जनरल सर्जरी) शिकत आहे. चंदिगड मेडिकल एज्युकेशन एण्ड रिसर्च इन्स्टिट्यूटच्या डीएम-एमसीएच प्रवेश परीक्षेत (न्युरोसर्जरी - सर्वसाधारण गट) त्यांना संपूर्ण देशातून दुसरे स्थान मिळाले आहे. त्यांना महाविद्यालयाकडून प्रवेशपत्र मिळाले असून ता. 6 जुलैपर्यंत  रुजू व्हायचे होते. 

हेही वाचा: बापरे! शववाहीनीचे दोन महिन्याचे भाडे तब्बल 'इतके' लाख रुपये; वाचा सविस्तर बातमी

मात्र एमडी किंवा एमएस किंवा त्या श्रेणीतील भारतीय मेडिकल कौन्सिलची परिक्षा उत्तीर्ण होणे आवश्यक आहे. मात्र अद्यापही आरोग्य विद्यापीठाची परीक्षा झालेली नाही, त्यामुळे चंदिगढ महाविद्यालयातील प्रवेश रद्द होईल का, अशी चिंता त्यांनी याचिकेत व्यक्त केली आहे.

संपादन : अथर्व महांकाळ 

state government will take decision of MS and MD exams