मनोर : चिल्हार बोईसर रस्त्यावरील नागझरी गावच्या हद्दीत सोमवारी सायंकाळी साडे सहा वाजताच्या सुमारास भरधाव वेगातील टेम्पोने कारला पाठीमागून धडक दिल्याने अपघात झाला होता.कारला मागून जोराची धडक बसल्याने अपघातग्रस्त कार समोरून येणाऱ्या टेम्पोला धडकल्याने अपघात झाला होता. अपघातात कारचा चुराडा झाला असून कार चालकासह चार प्रवाशी गंभीर जखमी झाले आहेत.त्यांना उपचारासाठी खाजगी रुग्णालयात दाखल करण्यात आले आहे.

चिल्हार बोईसर रस्त्यावर सोमवारी सायंकाळी साडे सहा वाजताच्या सुमारास बोईसरच्या दिशेने जात असलेल्या ह्युंदाई i20 (MH48A0628) कारला पाठीमागून येत असलेल्या भरधाव वेगातील टेम्पोने धडक दिली.कारला धडक बसल्याने कार समोरून येणाऱ्या टेम्पोला (MH04EY 9179)जाऊन धडकल्याने अपघात झाला.यअपघातात कार चालकासह चार प्रवाशी गंभीर जखमी झाले होते. त्यांना उपचारासाठी खाजगी रुग्णालयात दाखल करण्यात आले आहे.

अपघातात कार दबल्याने जखमींना स्थानिक ग्रामस्थांच्या सहकार्याने अपघातग्रस्त कार मधून बाहेर काढण्यात आले.अपघातामुळे रस्त्याच्या दोन्ही बाजूंनी वाहनांच्या रांगा लागल्या होत्या. जखमींना रुग्णवाहिकेद्वारे उपचारार्थ नाजिकच्याच अधिकारीलाईफलाईन खासगी रुग्णालयात हलविण्यात आले.

जखमींची नावे :

छाया वडे(60), गजानन वडे(60), करुणा संखे(58), अशोक संखे (65) चालक देवेंद्र शंकर तलवार अशी जखमींची नावे आहेत.