मुख्यमंत्र्यांचा बालेकिल्ला म्हणून ठाणे लोकसभा मतदारसंघाची लढाई ही मानाची आणि अस्तित्वाची ठरणार आहे. महाविकास आघाडीने खासदार राजन विचारे यांना पुन्हा संधी देण्याचे निश्चित केले आहे. दुसरीकडे भाजपने या मतदारसंघावर दावा केला असला तरी मुख्यमंत्री शिंदे यांनीही येथे महायुतीचा उमेदवार उभा करण्याची तयारी सुरू केली आहे. मनसेच्या एन्ट्रीमुळे कल्याण, ठाणे या दोन्ही मतदारसंघाचे गणित पुन्हा बदलण्याचीही शक्यता आहे. असे असले तरी एकंदरीत येथे विकासाचा मुद्दा नव्हे तर निष्ठा हा मुद्दा या निवडणुकीत गाजणार आहे.

२०१९चे चित्र

राजन विचारे (शिवसेना) विजयी

मते : ७,४०,९६९

आनंद परांजपे (राष्ट्रवादी काँग्रेस)

मते : ३,२८,८२४

मल्लीकार्जुन पुजारी (वंचित बहुजन आघाडी)

मते : ४७,४३२

नोटा मते : २०,४२६

विजयी उमेदवारांचे मताधिक्य: ४,१२,१४५

वर्चस्व

२००४ : शिवसेना

२००९ : राष्ट्रवादी

२०१४ : शिवसेना

२०१९ : शिवसेना

सद्य:स्थिती

महाविकास आघाडीचा उमेदवार निश्चित मात्र महायुतीच्या उमेदवारासाठी खलबते

मुख्यमंत्री एकनाथ शिंदे गटाने या मतदारसंघावर दावा केला असला तरी भाजप अजूनही आग्रही

मतदारसंघात विजयश्री खेचून आणणारा उमेदवार देण्यावर भर

निवडणूक रिंगणात कोण मातब्बर उतरणार याकडे मतदारांचे लक्ष

निष्ठेचा मुद्दा निवडणुकीत गाजणार

हे प्रभावी मुद्दे

विकसित नवी मुंबई, कोंडीत हरवलेले ठाणे आणि पश्चिम पट्ट्याला जोडलेल्या मिरा- भाईंदरमुळे प्रत्येक ठिकाणच्या

समस्या भिन्न

वाहतूक कोंडी सोडवण्यासाठी उभारलेले प्रकल्प अजून पूर्णत्वाच्या प्रतीक्षेत

रखडलेली जलवाहतूक, मेट्रोची कामे