मुंबईतील वांद्रे कुर्ला कॉम्प्लेक्स परिसरात असलेल्या अमेरिकेच्या वाणिज्य दूतावासाला धमकीचा मेल आला आहे. मुंबई पोलिसांनी ही माहिती दिली आहे. पोलिसांनी सांगितले की, या धमकीच्या मेलमध्ये अमेरिकन कॉन्सुलेट जनरलचे कार्यालय उडवून देण्याची धमकी देण्यात आली आहे. अमेरिकेच्या वाणिज्य दूतावासाच्या कार्यालयात बॉम्बस्फोट घडवून आणण्याची धमकी दिल्याप्रकरणी वांद्रे कुर्ला पोलिसांनी अज्ञात व्यक्तीविरुद्ध एफआयआर दाखल केला आहे.

यूएस कॉन्सुलेटमध्ये धमकीचा मेल मिळाल्यानंतर, मुंबईच्या बीकेसी पोलीस ठाण्यात अज्ञात व्यक्तीविरुद्ध भादंवि कलम ५०५(१)(बी) आणि ५०६(२) अन्वये गुन्हा दाखल करण्यात आला असून पुढील तपास सुरू आहे.

बीकेसी पोलिसांकडून मिळालेल्या माहितीनुसार, ९ फेब्रुवारी रोजी पहाटे ३.५० वाजता rkgtrading777@gamil.com वरून हा धमकीचा मेल आला होता. धमकी देणाऱ्या व्यक्तीने स्वतः अमेरिकन नागरिकांना मारण्याचे प्लॅनिंग असल्याचे सांगितले.