पिस्तुलांची विक्री करण्यास आलेल्या आरोपीला अटक सकाळ वृत्तसेवा मुंबई, ता. ४ : लोकमान्य टिळक मार्ग पोलिसांनी चार देशी पिस्तुल आणि काही जिवंत काडतुसांसह एका व्यक्तीला अटक केली आहे. पायधुनी परिसरातील स. का. पाटील उद्यानाजवळ आरोपी पिस्तुल विकण्यासाठी आला होता. प्रदीप वासनिक असे अटक केलेल्या आरोपीचे नाव आहे. स. का. पाटील उद्यान परिसरात एक व्यक्ती काही पिस्तुल विकण्यासाठी घेऊन येणार असल्याची माहिती लोकमान्य टिळक मार्ग पोलिस स्टेशनचे पोलिस उपनिरीक्षक अरुण जाधव यांना त्यांच्या सुत्रांकडून मिळाली होती. त्यावरून पायधुनी पोलिस स्टेशन आणि लोकमान्य टिळक मार्ग पोलिस स्टेशन यांनी संयुक्तरीत्या सापळा रचून आरोपी परिसरात येताच त्याला ताब्यात घेतले. त्याची झडती घेतली तेव्हा त्याच्याकडून पाच देशी बनावटीचे लोखंडी पिस्तुल आणि १० जिवंत काडतुसं जप्त करण्यात आली. या सर्व मुद्देमालाची किंमत जवळपास १ लाख २६ हजार रुपये आहे. आरोपीवर गुन्हा दाखल करण्यात आला असून पोलिस पुढील तपास करत आहेत.