फोटो क्र. ४७१४ जे. जे. रुग्‍णालयात अपंगांना युडीआयडी कार्डचे वाटप मुंबई, ता. ५ ः अपंग व्यक्‍तींना वैश्विक ओळखपत्र (युडीआयडी कार्ड) देण्यात येते. मात्र कोरोना आणि लॉकडाऊनमुळे या कार्डवाटपाला उशीर झाला. ही बाब लक्षात घेऊन मुंबईतील जे. जे. रुग्‍णालयात युडीआयडी कार्ड वाटपाचे शिबिर आयोजन करण्यात आले आहे. रुग्णालयाच्या प्रशासकीय भवन इमारत, चौथा मजला, महिला वसतिगृहाच्या बाजूला ७ जानेवारीपर्यंत हे शिबिर सुरू राहणार आहे. सकाळी १० ते ४ या वेळेत कार्ड वाटप होणार असून आठ हजार कार्डांचे वाटप होणार असल्‍याची माहिती रुग्‍णालयाचे वरिष्ठ लिपिक अनिल दळवी यांनी दिली.