नवी दिल्ली, ता. १५ ः आयात - निर्यातीत घट झाल्यामुळे देशाच्या व्यापारातील नुकसानीमध्ये डिसेंबर २०२१ च्या तुलनेत जानेवारी २०२२ मध्ये घट झाली आहे. डिसेंबर २०२१ मध्ये व्यापार २१.६८ अरब डॉलर होता, तो जानेवारी २०२२ मध्ये १७.४२ अरब डॉलर झाला आहे. यात १९.६४ टक्क्यांची घट झाली आहे. वाणिज्य आणि उद्योग मंत्रालयाने यासंबंधीची आकडेवारी जारी केली आहे.
जानेवारीमध्ये निर्यातीत दरवर्षीच्या तुलनेत २५.३ टक्के वाढ झाली आहे. पण, डिसेंबरच्या तुलनेत यात ८.७ टक्क्यांची घट झाली आहे; तर आयातीत दर वर्षीच्या तुलनेत २३.५ टक्क्यांची वाढ झाली आहे; पण डिसेंबरच्या तुलनेत यात १२.८ टक्क्यांची घट झाली आहे. त्यामुळे आयात ५१.९ अरब डॉलर; तर निर्यात ३४.५ अरब डॉलर झाली आहे.
नॉन-पेट्रोलियम आणि नॉन-जेम्स व ज्लेलरी निर्यातीत २०.१ टक्क्यांची वाढ होऊन ते २७.१ अरब डॉलर झाले आहे; तर त्यांच्या आयातीत ३१.३ टक्क्यांची वाढ होऊन ते ३४.६ अरब डॉलर एवढे झाले आहे. दुसऱ्या बाजूला जानेवारी २०२२ मध्ये व्यापारी निर्यातीत २५.२८ टक्क्यांची वाढ होऊन ते ३४.५ अरब डॉलर झाले; तर आयातीत २३.५४ टक्क्यांची वाढ होऊन ते ५१.९३ अरब डॉलर झाले.
---
आयात केलेल्या प्रमुख वस्तू
पेट्रोलियम, इलेक्ट्रॉनिक सामान, सोने, कोयला, कोक, ऑर्गेनिक आणि अनऑर्गेनिक रसायने इत्यादी
---
निर्यात केलेल्या वस्तू
इंजिनिअरिंग सामान, पेट्रोलियम पदार्थ, जेम्स आणि ज्वेलरी, औषधी इत्यादी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.