Navi Mumbai: नवी मुंबईत वाहन चोरीच्या घटनांत दिवसेंदिवस वाढ होत आहे. रस्त्यालगत पार्क केलेली पोलिस पुत्राची दुचाकी अवघ्या काही मिनिटांमध्ये चोरल्याची घटना उघडकीस आली आहे. या प्रकरणी कोपरखैरणे पोलिस ठाण्यात गुन्हा दाखल आहे.

नवी मुंबई पोलिस दलात कार्यरत असलेले अशोक कचरे यांचा मुलगा अनयने पवई येथे रस्त्यालगत दुचाकी पार्क करून जवळच्या दुकानात वडापाव खाण्यासाठी गेला होता. काही वेळानंतर परत आला असता त्याची दुचाकी नसल्याचे आढळून आले. त्यामुळे त्याने विचारणा केली असता त्याबाबत काहीही माहिती त्याला मिळाली नाही. कोपरखैरणे, घणसोली तसेच वाशी परिसरात अनयने दुचाकीचा शोध घेतला. अखेर याप्रकरणी कोपरखैरणे पोलिस ठाण्यात दुचाकी चोरीबाबत तक्रार दाखल करण्यात आली.