वाणगाव, ता. २७ (बातमीदार) : वाणगाव-आसनगाव येथे वि. म. पाटील कृषी प्रतिष्ठान येथे ७५ व्या प्रजासत्ताक दिनानिमित्त संस्थेचे संस्थापक मधुकर पाटील यांच्या हस्ते ध्वजारोहण करण्यात आले. या वेळी गुरुकुल शिक्षण संकुलातील विद्यार्थिनींनी ध्वजाला मानवंदना देत संचलन केले. यावेळी संस्थेचे अध्यक्ष मिलिंद पाटील, उपाध्यक्ष विकास पाटील, वित्त संचालक लूमेश देसाई, सहसचिव अक्षय पाटील, कार्यकारी संचालिका तृप्ती पाटील, प्राचार्य, प्राध्यापक, शिक्षक व विद्यार्थी उपस्थित होते.

दरम्यान वाय. एन. पी. कॉलेज ऑफ फार्मसी, स्वाती पाटील बॅचलर ऑफ फॅशन डिझाईन, कृषी तंत्रनिकेतन, हॉटेल मॅनेजमेंट व लॉ कॉलेज यांच्या संयुक्त विद्यमाने शोभायात्रेचे आयोजन करण्यात आले होते. राजधानी दिल्ली येथील कर्तव्यपथावरील वाहन संचालनाप्रमाणे ही यात्रा होती. सुमारे २०० किलो झेंडूच्या फुलांनी तयार केलेल्या माळा गुंफून, नाशिक ढोल, बँजो पथक, सहा बस अनेक खासगी वाहने यांसह गुरुकुल शिक्षण संकुल- वाणगाव- स्टेशन- वाणगाव नाका- बोईसर दरम्यान भव्य शोभायात्रा काढण्यात आली.