Mumbai Airport: मुंबईहून मॉरिशसला जाणाऱ्या ‘एअर मॉरिशस’च्या विमानातील बिघाडामुळे प्रवाशांना शनिवारी पहाटे मोठा मनस्ताप सहन करावा लागला.

विमानातील वातानुकूलन यंत्रणा पूर्णपणे निकामी झाल्याने प्रवासी तब्बल पाच तास विमानातच अडकले. विमानात प्रवेश करताच अनेक लहान मुले आणि एका वयोवृद्धाला श्वसनाचा त्रास झाला; पण असे असतानाही त्यांना विमानातून उतरू दिले नसल्याचे अन्य प्रवाशांनी सांगितले. हे विमान शनिवारी पहाटे ४.३० वाजता उड्डाण करणार होते.(mumbai airport)

.

त्यासाठी ३.४५ वाजताच प्रवाशांचा विमानात प्रवेश सुरू झाला; मात्र त्यानंतर विमानाच्या इंजिनमध्ये समस्या निर्माण झाली. विमानाने उड्डाण न केल्याने प्रवाशांना पाच तास आतमध्येच बसावे लागले. यानंतरही आम्हाला खाली उतरू दिले नाही. पाच तासांनंतर हे विमान रद्द करून पर्यायी व्यवस्था केल्याचे एका प्रवाशाने सांगितले.(mumbai News)