Mumba Police News: ज्येष्ठ अभिनेत्री उषा नाईक यांचा साकीनाका परिसरात हरवलेला मोबाईल साकीनाका पोलिसांनी दोन दिवसांत शोधून त्यांना परत केला. (Actress Uma Naik News)

उषा नाईक या मराठी चित्रपटसृष्टीतील सुप्रसिद्ध अभिनेत्री असून त्यांनी चार दशके मराठी चित्रपट सृष्टीवर अधिराज्य केले. जब्बार पटेल यांच्या ‘सामना’ या चित्रपटांमधून त्यांनी चित्रपटसृष्टीत प्रवेश केला असून शंभरपेक्षा अधिक चित्रपटांमध्ये भूमिका केल्या आहेत. (mumbai Crime News)

उषा नाईक या गुरुवारी काही कामानिमित्त साकीनाका येथील एस. जे. स्टुडिओमध्ये आल्या होत्या, त्या वेळी रिक्षामध्ये त्या मोबाईल विसरल्या. साकीनाका पोलिस ठाण्यात तक्रार दिल्यानंतर वरिष्ठ पोलिस निरीक्षक गबाजी चिमटे यांच्या मार्गदर्शनाखाली पोलिस उपनिरीक्षक सुनील चव्हाण आणि त्यांच्या टीमने सीसीटीव्ही कॅमेऱ्याच्या आधारे रिक्षा नंबर आणि त्यानंतर मोबाईल लोकेशन काढले.(Sakinaka Police)

रिक्षाचालकाला मालाड येथून ताब्यात घेतले; परंतु माझ्याकडे मोबाईल नसल्याचे सांगत रिक्षाचालक पोलिसांची दिशाभूल करत होता. शेवटी पोलिसी खाक्या दाखवल्यावर त्याने पोलिस ठाण्यात मोबाईल जमा केला. त्यानंतर पीएसआय सुनील चव्हाण यांनी उषा नाईक यांना सदरचा मोबाईल परत केला.(Maharashtra Police News)