Navi Mumbai : विदेशी लालचुटूक दिसणाऱ्या सफरचंदाची आवक मुंबई कृषी उत्पन्न बाजारात वाढली आहे. हे सफरचंद प्रतिकिलो २०० रुपये दराने किरकोळ बाजारात उपलब्ध आहेत. सध्या बाजारात विविध फळे दाखल होत आहेत.

विदेशी सफरचंद बाजारात दाखल झाले असून मोठ्या प्रमाणात खरेदी केली जात आहे. हे सफरचंद मुख्यत्वे टर्की, दक्षिण आफ्रिका, अमेरिका आणि न्यूझीलंड देशातून आयात केले जात आहेत. हे सफरचंद भारतीय सफरचंदाच्या तुलनेत काहीसे कमी गोड असले तरी त्यात आंबटपणा आणि कुरकुरीतपणा असल्याने ग्राहकांच्या पसंतीस उतरत आहेत

. सध्या ७०० ते एक हजार पेट्या प्रतिदिन येत असून हंगाम जास्त दिवस नसल्याने दोन-तीन आठवड्यांत आवक घटू शकते. त्यावेळी मात्र दर वाढण्याची शक्यता आहे, अशी माहिती एपीएमसीचे व्यापारी अनू सहानी यांनी दिली.