नांदेड - विष्णुपुरीतील डॉ. शंकरराव चव्हाण शासकीय वैद्यकिय महाविद्यालय व रुग्णालयातील दररोज हजारो रुग्णांवर उपचार करून देणारी व्यवस्था अचानक कोलमडून पडणार नाही. गेल्या महिन्यात ज्या काही घटना घडल्या त्या नजरेआड करता येणाऱ्या नाहीत.
शासकीय आरोग्य यंत्रणा ही सर्वसामान्य माणसांच्या आयुष्याला बळ देणारी असते, हे लक्षात घेऊन शासनातील सर्व संबंधित विभागांनी आपल्या संदर्भात जी काही प्रलंबित कामे असतील ती कोणत्याही परिस्थितीत येत्या मार्चपर्यंत पूर्ण करण्याचे आदेश जिल्हादंडाधिकारी तथा जिल्हाधिकारी अभिजीत राऊत यांनी दिले आहेत.
जिल्हाधिकारी कार्यालयात वैद्यकीय महाविद्यालय व रुग्णालयातील सुरक्षा, स्वच्छता आणि प्रलंबित कामे या विषयांची आढावा बैठक गुरूवारी (ता. ३०) जिल्हाधिकारी राऊत यांच्या अध्यक्षतेखाली झाली. त्यावेळी ते बोलत होते.
यावेळी प्रभारी अधिष्ठाता डॉ. एस. आर. वाकोडे, जिल्हा शल्यचिकित्सक डॉ. निळकंठ भोसीकर, सार्वजनिक बांधकाम विभागाचे कार्यकारी अभियंता रोहित तोंडले, महापालिकेचे अतिरिक्त आयुक्त गिरीश कदम, उपविभागीय पोलीस अधिकारी सुशिलकुमार नायक, जिल्हा कारागृह अधिक्षक श्री. सोनावणे, ग्रामीण पाणी पुरवठा, महावितरण व वरिष्ठ अधिकारी उपस्थित होते.
विभागप्रमुखांना घेतले फैलावर...
महाविद्यालय परिसरातील मुख्य प्रशासकीय इमारतीचे फर्निचर, सुरक्षा भिंत, पाणी पुरवठा, विद्युत पुरवठा, पथदिवे, मोकाट जनावरांचा बंदोबस्त, घनकचरा व्यवस्थापन, सांडपाणी आदी विविध कामे यापूर्वीच विचारात घेऊन वेळोवेळी आदेशही दिले आहेत. कित्येक कामांची निविदा होऊन ते काम संबंधित यंत्रणांना बहालही केले आहेत.
त्यामुळे त्यांना दिलेली कालमर्यादा कोणत्याही परिस्थितीत काटेकोरपणे पाळलीच पाहिजे, असे स्पष्ट निर्देश जिल्हाधिकारी राऊत यांनी विभागप्रमुखांना दिले. तसेच त्या कामांच्या गुणवत्ता व दर्जेबाबत अधिक दक्षता घेण्याच्या सूचना त्यांनी दिल्या.
कैद्यांना सुरक्षित वाॅर्डच नाही!
सर्वसामान्यांच्या आरोग्याच्या काळजी समवेत महाविद्यालय व रुग्णालयावर अनेक बाबी या कायद्यानेही बंधनकारक केल्या आहेत. न्यायालयाने वेळोवेळी जे निर्देश दिले आहेत त्याची पूर्तता करण्यासाठी जर आवश्यक ती यंत्रणा उभारावी लागत असेल अथवा नव्याने करावी लागत असेल तर त्यात विलंब होता कामा नये.
जिल्ह्यातील कारागृहात असलेल्या कैद्यांच्या आरोग्याच्या दृष्टीने शासकीय रुग्णालयात सुरक्षीत वार्डाची नितांत आवश्यकता आहे. सदर वार्ड तत्काळ सुरू करण्याचे आदेश त्यांनी अधिष्ठाता डॉ. वाकोडे यांना दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.