नांदेड: जिल्ह्यात बुधवारी (ता.११) प्राप्त झालेल्या दोन हजार ४३९ अहवालापैकी सहा अहवाल कोरोनाबाधित आले आहेत. चार कोरोना बाधितांना औषधोपचारानंतर सुटी देण्यात आली आहे. आजच्या घडीला ४९ रुग्ण उपचार घेत असून तीन बाधितांची प्रकृती अतिगंभीर आहे. जिल्ह्यात आजवर एकूण बाधितांची संख्या ९० हजार २३६ एवढी झाली असून यातील ८७ हजार ५२९ रुग्णांना रुग्णालयातून सुटी देण्यात आली आहे. मंगळवारी (ता. दहा) नायगाव तालुक्यातील मांजरम येथील ८० वर्षाच्या महिलेचा शासकीय वैद्यकीय महाविद्यालय विष्णुपुरी येथे उपचारा दरम्यान मृत्यू झाला. जिल्ह्यात आतापर्यंत बाधित मृत्त रुग्णांची संख्या दोन हजार ६५८ एवढी आहे.

चार कोरोना बाधितांना औषधोपचारानंतर सुटी देण्यात आली आहे. महापालिका अंतर्गत एनआरआय भवन व गृह विलगीकरणातील चार व्यक्तींला सुटी देण्यात आली. आज ४९ कोरोनाबाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी- तीन, किनवट - तीन, देगलूर - एक, नांदेड महापालिकातंर्गत गृह विलगीकरण ३८, जिल्ह्यातील तालुक्यांतर्गत गृहविलगीकरण - चार व्यक्ती उपचार घेत आहेत.

नांदेड कोरोना मीटर
एकुण बाधित - ९० हजार २३६
एकूण बरे - ८७ हजार ५२९
एकुण मृत्यू - दोन हजार ६५८
बुधवारी बाधित - सहा
बुधवारी बरे - चार
बुधवारी मृत्यू - एक
उपचार सुरु - ४९
अतिगंभीर प्रकृती - तीन