शिर्डी : गेल्या अकरा दिवसांत साईंच्या दानपेटीत 17 कोटी 42 लाख रुपयांचे दान जमा झाले. 
नाताळ आणि नवीन वर्षाच्या स्वागतासाठी येथे भाविकांची मोठी गर्दी झाली होती. मागील अकरा दिवसांत सव्वाआठ लाख भाविकांनी साई समाधीचे दर्शन घेतले. 
याबाबत माहिती देताना कार्यकारी अधिकारी दीपक मुगळीकर म्हणाले, की गेल्या वर्षीच्या दानाच्या तुलनेत 3 कोटी 37 लाख रुपये वाढले. साईबाबांवर लाखो भाविकांची श्रद्धा असल्याने मागील वर्षी नाताळ व नववर्ष उत्सवात सुमारे 14 कोटी 5 लाख रुपयांचे दान केले होते. त्या तुलनेत यावर्षी देणगी स्वरूपात देणगी काउंटरवरून सुमारे 3 कोटी 46 लाख रुपयांचे दान आले. 

हे पाहा शालेय राष्ट्रीय बॅडमिंटन स्पर्धेस प्रारंभ 

चेक, डीडी, मनिऑर्डर, डेबिट, क्रेडिट कार्ड, ऑनलाइन देणगी, बॅंकिंगचा वापर करणाऱ्या साईभक्तांनी 2 कोटी 93 लाख रुपयांचे दान केले. याच दरम्यान 42 लाख 31 हजार सोन्याच्या रूपाने 1 किलो 213 ग्रॅम वजनाचे दान आले. 5 लाख 80 हजारांची 17 किलो 223 ग्रॅम वजनाची चांदी आली आहे. दानपेटीत 9 कोटी 54 लाख रुपये निघाले. त्यात 24 लाख 36 हजार रुपयांचे परकीय देशाचे चलन आहे. त्याचप्रमाणे प्रसादालयात 8 लाख 11 हजार भाविकांनी प्रसादाचा लाभ घेतला. 7 लाख 68 भाविकांना मोफत बुंदीचे पाकिटे देण्यात आली. 5 लाख 96 हजार लाडू पॉकेटच्या विक्रीतून 1 कोटी 77 लाख 19 हजार 850 रुपये प्राप्त झाले. 

हे महत्त्वाचे अण्णा हजारे यांचे पंतप्रधानांना पुन्हा पत्र 

दरम्यान, साईआश्रम, द्वारावती, साई धर्मशाळा, साईबाबा भक्तनिवास (500 रूम), साईप्रसाद निवांत भक्तनिवास आदी निवासांद्वारे 1 लाख 71 हजार 855 भाविकांची व्यवस्था करण्यात आली. सशुल्क दर्शन पासेसमधून 4 कोटी 8 लाख 69 हजार 400, बायोमेट्रिक दर्शन पासेसमधून 8 लाख 23 हजार 996 भाविकांनी दर्शनाचा लाभ घेतला.  

 हे वाचलेच पाहिजे राज्यस्तरीय कबड्डी स्पर्धेत 700 हून अधिक खेळा