आष्टा : आष्टातील महात्मा गांधी विद्यालयात सातवीत शिकणाऱ्या प्रज्वल संदीप माळी या विद्यार्थ्याने कोरोना महामारीच्या पार्श्वभूमीवर सॅनिटायझर फवारणी करणारा रोबोट बनवला आहे. माणसांकडून होणारा जंतुसंसर्ग टाळण्यासाठी अनेक उपाययोजना सुरु असताना त्याने फवारणी करणाऱ्या रोबोटची निर्मिती करुन प्रयोगशीलता दाखवली आहे. लॉकडाउनमध्ये काय करायचे, असा विचार करणाऱ्या विद्यार्थ्यांसमोर त्याने आदर्श उभा केला आहे.
कोरोनामुळे हस्तांदोलनाला बहुतांश जणांनी रामराम ठोकला आहे. वस्तूला हाताचा कमीत कमी स्पर्श होण्यासाठी प्रयत्न केले जात आहेत. संसर्ग टाळण्यासाठी सॅनिटायझरचा वापर सुरु आहे. कोरोना विषाणू अतिसूक्ष्म असल्याने त्याचा फैलाव झालेलाही कळत नसल्याने काळजी घेतली जात आहे. कोरोना रुग्णांसाठी मिरजेतील कोविड हॉस्पिटलमध्ये रोबोट कार्यरत आहे. कोरोनाच्या पार्श्वभूमीवर कुटुंबातील लोकांना बाहेरून आल्यानंतर जंतूसंसर्ग टाळण्यासाठी काळजी घेतली जात आहे. रोबोटकडून सॅनिटायजर फवारणी केल्यास धोका कमी राहतो, या उद्देशाने त्याने हा रोबोट तयार केला आहे.
आता प्रज्वलने सुरक्षितता म्हणून सॅनिटायजर फवारणी करणारा रोबोट बनवला आहे. त्याच्या कल्पनाशक्तीचे कौतुक होत आहे. नगराध्यक्षा स्नेहा माळी, माजी नगरसेवक सतीश माळी, नगरसेविका पुष्पलता माळी, पंडित माळी, रमेश माळी, भारतीय विद्यानिकेतन शाळेच्या अर्चना गुरव,वैशाली कुरणे, अर्चना भानुसे, अस्मिता डिग्रजे यांनी सत्कार करुन कौतुक केले.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.