इचलकरंजीत मंगळवारी
होड्यांच्या शर्यती
इचलकरंजी, ता. १२ : येथील श्री पंचगंगा वरदविनायक भक्त मंडळातर्फे स्वातंत्र्य दिनानिमित्त मंगळवारी (ता. १५) सायंकाळी ४ वाजता पंचगंगा नदीत होड्यांच्या शर्यती होणार आहेत. याबाबतची माहिती मंडळाचे उपाध्यक्ष बाळासाहेब जांभळे यांनी दिली. गेल्या अनेक वर्षांपासून मंडळातर्फे पंचगंगा नदीपात्रात होड्यांच्या भव्य शर्यती घेण्यात येतात; पण कोरोनाच्या काळात ही परंपरा खंडित झाली होती. या वर्षापासून पुन्हा या शर्यती घेण्यात येत आहेत. सांगली व कोल्हापूर जिल्ह्यांतील अनेक हौशी बोट क्लब या शर्यतीमध्ये भाग घेणार आहेत.
उद्‍घाटन खासदार धनंजय महाडिक यांच्या हस्ते, तर बक्षीस समारंभ अपर जिल्हा पोलिस अधीक्षक निकेश खाटमोडे-पाटील यांच्या हस्ते व वस्त्रोद्योग महासंघाचे अध्यक्ष अशोक स्वामी यांच्या अध्यक्षतेखाली होणार आहे. याप्रसंगी रवींद्र माने, तानाजी पोवार, जयवंत लायकर, बाळासाहेब कलागते, दिलीप मुथा, के. व्ही. पालनकर, अमृता भोसले, जयराज पाटील, अनिल स्वामी उपस्थित राहणार आहेत. यावेळी होड्यांच्या शर्यतीचा आनंद घ्यावा, असे आवाहन डॉ. विजय माळी व गणेश बरगाले यांनी केले आहे.