महालक्ष्मी पतसंस्थेला
६९ लाखांचा निव्वळ नफा
गडहिंग्लज, ता. १८ : करंबळी (ता. गडहिंग्लज) येथील महालक्ष्मी नागरी सहकारी पतसंस्थेची वार्षिक सर्वसाधारण सभा झाली. संस्थेला २०२२-२३ या आर्थिक वर्षात ६९ लाख ३५ हजार रुपयांचा निव्वळ नफा झाल्याचे जाहीर केले.
गंगुबाई पन्हाळकर, अर्चना सुतार, शुभांगी माळी, प्रा. सुभाष कोरे, सुशांत मिसाळ, डॉ. दत्ता पाटील, पांडुरंग भोईटे यांचा विशेष सत्कार झाला. निवृत्त शिक्षक, ज्येष्ठ नागरिकांसह दहावी, बारावी परीक्षेतील विद्यार्थ्यांचाही सत्कार झाला. मृत सभासदांच्या १५ वारसांना जीवनसुरक्षा ठेव योजनेतून प्रत्येकी पाच हजार रुपयांच्या दामदुप्पट ठेव प्रमाणपत्रांचे वितरण झाले. संस्थेच्या ग्रामविकास फंडातून ५० हजार रुपये देऊन साकारलेल्या वॉटर एटीएमचे लोकार्पण झाले. व्यवस्थापक सुरेश मिसाळ यांनी नोटीस वाचन केले. संस्थेचे अध्यक्ष शिवाजी पन्हाळकर यांनी स्वागत केले. पांडुरंग भोईटे यांनी आभार मानले.