राज्यातील कंत्राटदारांची
कोट्यवधींची बिले थकित
शिवाजीराव परुळेकर : समाजवादी पक्ष लढा उभारणार
कोल्हापूर, ता. १४ : राज्य शासनाने लोकसभा व विधानसभा डोळ्यासमोर ठेवून सुमारे एक लाख कोटींची कामे सार्वजनिक बांधकाम, ग्रामविकास जलजीवन मिशन, जलसंधारण, जलसिंचन, आदी खात्यांची कामे काढली. या कामांसाठी सुमारे दहा हजार कोटी कंत्राटदारांनी डिपॉझिट जमा केले आहे आणि त्यांची १९ हजार कोटींची बिले प्रलंबित आहेत. याबाबत तत्काळ कार्यवाही न झाल्यास समाजवादी पक्ष लढा उभारणार असल्याचे पत्रक पक्षाचे जनरल सेक्रेटरी शिवाजीराव परुळेकर यांनी प्रसिध्दीस दिले आहे.
निवडणुकीमुळे गेल्या सात-आठ महिन्यांत कंत्राटदारांना दमडीही मिळाली नाही. त्यामुळे त्यांनी घेतलेल्या कर्जाचे व्याज वाढत आहे. शासनाच्या या धोरणाविरोधी कंत्राटदार महासंघाने यापूर्वी पाच ते सहा वेळा मंत्री, आमदार ‍यांना या निवेदने देऊनही उपयोग झाला नाही. सार्वजनिक बांधकाम मंत्री रवींद्र चव्हाण यांच्यासोबत पाच मार्चला बैठक होऊन १४ एप्रिलपर्यंत थकित बिले अदा करण्याचे आश्वासन दिले होते. पण, पुढे कोणतीच कार्यवाही झालेली नाही, असेही पत्रकात म्हटले आहे.