सर्व्हिसिंग सेंटरमधील साहित्य चोरीस

रांगोळीः येथील इचलकरंजी - हुपरी रस्‍त्यावर कमते मळा भागात असणारे ब्रम्हनाथ सर्व्हिसिंग सेंटर फोडून त्यामधील जवळपास एक लाखाचे साहित्य अज्ञात चोरट्यांनी लंपास केले. या घटनेची नोंद शिवाजी नगर पोलिस ठाण्यात करण्यात आली आहे. याबाबत अधिक माहिती अशी, काळम्मावाडी वसाहतीमधील सुनील चव्हाण यांच्या मालकीचे दोनचाकी, चारचाकी गाड्यांचे सर्व्हिसिंग व ग्रीसिंग करण्याचे दुकान रांगोळी-इचलकरंजी मार्गावर कमते मळा येथे आहे. मंगळवारी (ता.३०) मध्यरात्रीच्या सुमारास अज्ञात चोरट्यांनी दुकानाच्या मागील बाजूचे पत्रे उचकटून दुकानातील दोन जनरेटर, एक मोटर, दोन सर्व्हिसिंग मशीन, पाण्याचा सेट असे एकूण एक लाख रुपये किंमतीचे साहित्य लंपास केल्याची घटना बुधवारी सकाळी उघडकीस आली.