कोल्हापूर - बजाज फायनान्स कंपनीच्या कर्मचाऱ्याकडून कर्ज वसुलीसाठी अश्लील भाषा वापरल्याच्या निषेधार्त संतप्त झालेल्या महिलांनी बजाज कार्यालयावर मोर्चा काढला. आक्रमक झालेल्या महिलांनी कर्मचाऱ्यांना काळे फासत त्यांची रस्त्यावरून धिंड काढली. छत्रपती महिला शासन या संघटनेच्यावतीने दिव्या मगदुम यांच्या नेतृत्वाखाली हे आंदोलन करण्यात आले. कर्मचाऱ्यांच्या तोंडाळा काळे फासल्यामुळे यावेळी वातावरण तणावपूर्ण बनले होते.

याबाबत अधिक माहिती अशी, कर्जाच्या वसुलीसाठी फायनान्स कंपनीच्या कर्मचाऱ्यांनी कर्जवसूलीसाठी काल एका महिलेच्या घराला कुलूप लावले होते. याच रागातून संतप्त महिलांनी शाहूपुरी परिसरातील कार्यालयात घुसून कर्मचाऱ्यांना काळे फासले. तसेच कार्यालयाच्या साहित्याचे नुकसान केले. यामुळे गोंधळाचे वातावरण निर्माण झाले. शाहूपुरी पोलिसांनी घटनास्थळी धाव घेऊन पुरुषांससह महिलांना ताब्यात घेतले. यावेळी परस्परविरोधी गुन्हे दाखल करण्याचे काम पोलिस ठाण्यात सुरू होते.

हे पण वाचा - ‘मी चुकूच शकत नाही,  शौमिका यांच्या टि्वटची राजकीय क्षेत्रात चर्चा  

 दरम्यान, यावेळी कर्मचारी आणि आंदोलकांमध्ये शाब्दिक चकमकही झाली. त्यामुळे दोन्ही बाजुंनी एकमेकांच्या अंगावर धावून जाण्याचा प्रकार घडला. त्यामुळे शाहुपूरी पोलिसांनी घटनास्थळी धाव घेत वातावरण शांत करण्याचा प्रयत्न केला. 

व्हिडिओ पाहा - 

संपादन - धनाजी सुर्वे