baramati municipal
baramati municipal  sakal media
पश्चिम महाराष्ट्र

बारामती नगरपालिकेच्या निवडणुकीसाठी इच्छुकांची मोर्चेबांधणी

सकाळ वृत्तसेवा

बारामती : राज्य मंत्रीमंडळाने (mva Government) काल घेतलेल्या नगरपालिकेच्या निर्णयानंतर आता बारामतीत नगरपालिका निवडणूकीची (Baramati municipal election) जोरदार चर्चा सुरु झाली आहे. सरकारने निवडणुका पुढे ढकलल्या (election postponed) नाही तर डिसेंबर मध्ये होऊ घातलेल्या नगरपालिकेच्या निवडणूकीसाठी इच्छुकांनी मोर्चेबांधणी (political preparations) सुरु केली आहे.

बारामती नगरपालिकेची आगामी निवडणूक एका प्रभागात दोन नगरसेवक या पध्दतीने होणार आहे हे आता जवळपास निश्चित झाले आहे. बारामतीतील प्रभागरचना विचारात घेता दोन नगरसेवक संख्या असलेले 18 व तीन नगरसेवक संख्या असलेला एक असे 19 प्रभाग बारामतीत होतील अशी शक्यता आहे. बारामतीत नगरसेवकांची संख्या निवडून येणारे 39 व स्वीकृत चार अशी 43 इतकी असेल, तर नगराध्यक्ष नगरसेवक निवडतील अशीच चिन्हे आहेत.

पन्नास टक्के महिलांचे आरक्षण विचारात घेता महिला नगरसेवकांची संख्या 20 असल्याने महिलांमध्येही नगरसेवक पद प्राप्त करण्यासाठी चुरस होईल अशी शक्यता वर्तविली जात आहे. दुसरीकडे नागरी स्थानिक स्वराज्य संस्थांच्या निवडणूकीत नागरिकांच्या मागास प्रवर्गासाठीचे आरक्षण 27 टक्क्यांपर्यंत ठेवण्यास व एकूण आरक्षणाचे प्रमाण 50 टक्क्यांपेक्षा अधिक होणार नाही अशी सुधारणा करण्यास मंत्रीमंडळाने मान्यता दिली आहे. या पार्श्वभूमीवर बारामती नगरपालिकेची आरक्षण रचना कशी असेल या बाबत स्पष्टता नाही. मात्र तरीही इच्छुंकानी तयारी सुरु केलेली आहे.

दरम्यान नगराध्यक्ष नगरसेवकातूनच निवडून देण्याबाबत अद्याप स्पष्टता नसली तरी पूर्वीप्रमाणेच नगरसेवकच नगराध्यक्ष निवडण्याचीच शक्यता जास्त आहे. बारामती नगरपालिका आता अ वर्ग नगरपालिका आहे. येत्या काळात नगरपालिकेत आणखी तीन गावे समाविष्ट होणार आहेत, या पार्श्वभूमीवर नगरसेवक पद प्राप्त करण्यासाठी इच्छुकांची जोरदार मोर्चेबांधणी सुरु झाली आहे.

"विद्यमान नगरसेवकांसह नवीन कार्यकर्तेही यंदा संधी मिळावी या साठी आता तयारीला लागले आहेत. बारामतीत अनेक वर्षांपासून राष्ट्रवादीची निर्विवाद सत्ता असते, यंदाही पक्षचिन्हावर निवडणूक लढविली जाईल अशीच शक्यता असून उपमुख्यमंत्री अजित पवार हेच या बाबत अंतिम निर्णय घेतील हेही स्पष्ट आहे."

- मिलिंद संगई, बारामती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pat Cummins SRH vs RR : डेथ ओव्हरमध्ये कमिन्सचा टेरर! रजवाड्यांची कडवी झुंज मोडून काढत हैदराबादचा नवाबी थाटात विजय

Sharad Pawar on Baramati: बारामती लोकसभेचा निकाल कसा दिसतो? शरद पवार म्हणतात, आजपर्यंत...

Hemant Savara: पालघरचा तिढा अखेर सुटला! हेमंत सावरांना महायुतीकडून उमेदवारी जाहीर

SRH vs RR IPL 2024 : शेवटच्या चेंडूवर भूवीने हैदराबादला मिळवून दिला विजय

Udayanraje Bhosale : साताऱ्यातून उमेदवारी जाहीर करायला भाजपला इतका वेळ का लागला? उदयनराजे भोसलेंनी स्पष्टच सांगितलं; पाहा Exclusive Interview

SCROLL FOR NEXT