सांगली - राज्य सरकारकडून घातल्या जात असलेल्या जाचक अटी, खत खरेदी करताना पॉशमशीन, आधार सक्ती आणि यवतमाळ जिल्ह्यातील शेतकऱ्यांच्या मृत्यूप्रकरणी विक्रेत्यावर अधिकाऱ्यांनी कारवाईचा धडाका लावला आहे. या पार्श्‍वभूमीवर राज्यातील कीटकनाशक, खत विक्रेत्यांनी आजपासून (ता. २) तीन दिवस दुकान बंद ठेवणार आहेत.

जिल्ह्यातील ३ हजार दुकाने बंद राहतील. यामुळे द्राक्ष, डाळिंब उत्पादकांची पाच दिवस मोठी अडचण होणार आहे.  दुकानदार संप काळात विक्री सुरू राहिल्यास १५ हजार रुपये दंडाची आकारणी केली जाणार असल्याचे जाहीर केले आहे. चार दिवस लागणारी कीटकनाशके, खते शेतकऱ्यांनी खरेदीसाठी दुकानांत गेली दोन दिवस गर्दी आहे. बुधवारी (ता. १) रात्री बारावाजेपर्यंत दुकाने सुरू होती.