Solapur News : श्री सिद्धेश्वर साखर कारखाना चिमणी पाडकाम सुरू झाले आहे. कारखाना परिसर निर्मनुष्य केला आहे. कामगारांनी तेथे निर्माण अडथळे हलवले जात आहेत. दुसरीकडे चिमणी पाडण्यासाठी स्फोटकांचा वापर केला जाऊ शकतो. त्याची तयारी सुरू आहे. साधारणत: 4 वर्षात उभारलेली चिमणी पाडायला किमान 3 ते 4 दिवस लागतील असे सांगितले जात आहे.

(थेट कारखाना परिसरातून...) - आज पहाटे 4 वाजता परिवहनच्या 12 गाड्या कारखाना स्थळावर दाखल झाल्या होत्या.

- झोपेतच परिसरातील लोकांना परिवहनच्या गाडीतून सेवासदन प्रशाळेजवळील मंगलकार्यालयात ठेवले.

- चिमणी पाडकामाची कारवाई 6.30 वाजता हाती घेतली.

- चिमणी परिसरात ट्रॉली, गाड्या, पोकलेनं टाकून कामगारांनी रस्ता बंद केला होता. त्यामुळे कारवाई अश्यक्य होती. त्यामुळे पोलीस प्रशसनाने कारवाईसाठी दुसरा मार्ग शोधला.

- कामगार वसाहतीमागील गेट व तारेचे कंपाऊंड तोडून गाड्या बाजूला करून कारवाई सुरू केली. या कामासाठी दोन तास लागले.

- प्रत्यक्ष कारवाईला 8.30 वाजता सुरुवात झाली आहे.

- कारखान्याच्या बॉयलरला जोडलेली क्रशिंग लाईन जेसीबी लावून तोडण्यात आली आहे.

- चिमणी पडकामाला सुरुवात झाली, पण मशीन ऑपरेटरच्या पोटात दुखू लागल्याने महापालिकेच्या आरोग्य विभागाची टीम तेथे दाखल झाली होति.

- 10.30 वाजल्यापासून चिमणीच्या बाजूला सर्व यंत्रणा लावली जात आहे. काही वेळात पाडायची कार्यवाही सुरू होईल, अशी स्थिती आहे.